Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad
Dagaalka ayaa waxaa ku dhintay tiro badan oo ah miliiishiyaadkii iska soo horjeeday
Tebin toos ah
Awoodda markabka cusub ee dagaalka ee badda quusa ee Pakistan?
Xigashada Sawirka, Getty Images
Qoraalka sawirka, . Markabkii ugu horreeyay ee ah nooca quusa ee Gujiska ee dagaalka ee Ciidanka Badda Pakistan, Hangor, ayaa soo gaaray dekedda Karachi.
Si kastaba ha ahaatee, tani ma aha oo kaliya imaanshaha markab quusa oo cusub, balse sidoo kale waa soo noqoshada magac taariikh muhiim ah ku leh Ciidanka Badda Pakistan.
"Hangor" waa nooc ka mid ah libaax-badeedka oo si aamusan u ugaarsada xawayaanka kale. Wuxuu si dulqaad leh ula socda waxa uu ugaarsanayo ilaa uu helo fursadda ku habboon, dabadeedna si lama filaan ah ayuu u weeraraa.
Dagaalkii badda ee sannadkii 1971 ee dhex maray markabkii quusa ee Pakistan ee Hangor iyo markabkii dagaalka ee Hindiya ee INS Khukri ayaa ah dhacdo caan ku ah taariikhda dagaallada badda. Iska horimaadkaas ayaa weli loo xusuustaa inuu ka mid yahay dhacdooyinkii ugu waaweynaa ee ka dhacay gobolka.
Hadda, ku dhowaad 55 sano ka dib, markab quusa oo cusub, casri ah, isla markaana sita magaca Hangor ayaa ku biiray maraakiibta quusa ee Ciidanka Badda Pakistan, isagoo sii wada dhaxalka magac si gaar ah uga dhex muuqda taariikhda ciidanka badda ee dalkaas.
Sida ay sheegeen Ciidanka Badda Pakistan, markabka quusa ee PNSM Hangor, oo lagu sameeyay iskaashi dhinaca difaaca ah oo u dhexeeya Pakistan iyo Shiinaha.
Pakistan oo weerarro dhimasho leh ka fulisay xuduudda Afgaanistaan
Xigashada Sawirka, Getty Images
Qoraalka sawirka, . Pakistan ayaa sheegtay inay qaaday duqeymo cirka ah iyo weerarro dhulka ah oo ka dhan ah bartilmaameedyo ay ku tilmaantay maleeshiyaad Islaamiyiin ah oo ku yaalla gudaha xadka Afghanistan.
Wasiirka Warfaafinta Pakistan, Attaullah Tarar, ayaa sheegay in weerarradu ay ka dhaceen gobollada Paktia, Paktika iyo Kunar.
Mas’uuliyiinta Taliban ee Afghanistan ayaa dhankooda sheegay in tobannaan qof oo rayid ah la dilay ama lagu dhaawacay weerarradaas.
Weerarradan ayaa yimid maalmo yar kadib markii koox Islaami ah ay weerartay xero ay leeyihiin ciidamada ilaalada xuduudaha Pakistan (Rangers) oo ku taalla magaalada Karachi ee koonfurta dalka, halkaas oo lagu dilay saddex askari.
Islamabad waxay ku eedeysay dowladda Taliban ee Kabul inay hoy iyo gabaad siiso maleeshiyaadka weerarrada ku qaada ciidamada Pakistan, eedeyntaas oo maamulka Kabul uu si cad u beeniyay.
Waxaad sidoo kale akhrisan kartaa:
Muxuu yahay xanuunka ku dhacay ninkan ee uu uga digay ragga?
Xigashada Sawirka, Getty Images
Qoraalka sawirka, . Aabe laba carruur ah leh ayaa ku dhawaaday inuu carrabkiisa waayo ka dib markii buro yar oo daanka hoostiisa ka soo baxay ay isu beddeshay kansar.
Anthony Perriam wuxuu u tagay Dhakhtarkiisa Guud ka dib markii uu markii ugu horreysay isku arkay buro, dhowr toddobaad ka dibna waxaa laga helay kansar madaxa iyo qoorta ah oo la xiriira fayraska HPV.
HPV waa koox fayras oo caadi ah oo saameeya maqaarka oo aan dhibaato ku keenin dadka badankood, laakiin noocyada qaarkood waxay sababi karaan kansar ama burooyinka xubnaha taranka.
"Waxaan waligay maqlayey oo keliya HPV oo la xiriira kansarka ilmo-galeenka. Ma aanan ogeyn inay sababi karto kansarro sidan oo kale ah, gaar ahaan ragga," ayuu yiri Anthony, oo ka yimid Cardiff, Wales.
Anthony wuxuu intaa ku daray "Waxaan isku arkaa inaan nasiib leeyahay in aan weli wax cuni karo oo hadli karo, laakiin haddii aan arrintan sii dayn lahaa muddo dheer, waxaan lumin lahaa carrabka ama xitaa waa dhiman lahaa."
Dadka badanaa uu haleelo fayraska HPV, jirka ayaa si dabiiici ah isaga saara sida laga soo xigtay NHS Wales.
Si kastaba ha ahaatee, wuxuu sababi kartaa burooyinka xubinta taranka ama xitaa waxay horseedi kartaa kansar, badanaa kansarka madaxa iyo qoorta ragga, iyo kansarka ilmo-galeenka dumarka.
Tirada dhimashada dhulgariirkii Venezuela oo korortay
Xigashada Sawirka, Getty Images
Qoraalka sawirka, . Kooxo badan oo caalami ah ayaa weli ku sii socda dalka Venezuela, si ay uga qayb qaataan hawlaha samatabbixinta, kadib labadii dhulgariir ee dhacay Arbacadii la soo dhaafay.
Tobannaan kun oo qof ayaa weli la rumeysan yahay inay maqan yihiin, iyadoo rajadii laga qabay in la helo dad kale oo nool ay sii yaraaneyso.
Ku dhowaad kun iyo shan boqol oo qof ayaa la xaqiijiyay ku dhinteen dhulgariirkaas is xigay.
Qolka meydadka ee ugu weyn magaalada Caracas ayaa buux-dhaafay oo awoodi waayay inuu qaado meydad hor leh.
Caro isa soo taraysa ayaa loo muujinayaa dowladda Venezuela, iyadoo dadka deegaanku ay sheegayaan in dowladdu aysan samayn wax ku filan oo lagu caawinayo.
Madaxweynaha ku-meel-gaarka ah, Delcy Rodríguez, ayaa sheegtay in horumar laga sameeyay dib u soo celinta adeegyada biyaha iyo korontada, iyo sidoo kale dib u furista waddooyinka.
Degdeg: Golaha Khuburada Iiraan oo Fatwooday in la dilo Madaxweynaha Mareykanka iyo Ra'iisul Wasaaraha Israa'iil
Xigashada Sawirka, Getty Images
Qoraalka sawirka, . Waxaa soo baxay kala qaybsanaan aan caadi ahayn oo ka dhex taagan Golaha khuburada Iiraan oo ah hay’adda ugu sarreysa culimada diinta ee Iiraan.
Ku dhowaad saddex meelood laba meel xubnaha golaha oo ka kooban 88 xubnood ayaa soo saaray fatwo diimeed ay ku baaqayaan in la dilo Madaxweynaha Mareykanka Donald Trump, iyo Ra’iisul Wasaaraha Israa’iil, Benjamin Netanyahu.
Fatwada ayaa sheegtay in ay waajib ku tahay Muslimiinta inay dilaan labada hoggaamiye haddii ay fursad u helaan.
Si kastaba ha ahaatee, maamulka Golaha Khubarada ayaa ku tilmaamay fatwadan “mid aan caadi ahayn”, iyagoo sheegay in waxa ku qoran ay u baahan yihiin dood iyo falanqeyn dheeraad ah.
Fatwadan oo ay soo saareen xubno mayal adag ayaa lagu daray warqad loo diray shacabka Iiraan. Warqaddaas ayaa sidoo kale lagu sheegay in Tehran aysan ahayn inay oggolaato furitaanka Marin-biyoodka Hormuz ama in barnaamijkeeda nukliyeerka lagaga hadlo wada-hadallada ay la leedahay Maraykanka.
Sii akhri:
Waxa aan ka ognahay shilka diyaaradeed ee ka dhacay Sacuudiga
Shan arrimood oo sahlan oo aad ku yarayn karto baruurta caloosha
Xigashada Sawirka, Getty Images
Qoraalka sawirka, . Dad badan ayaa gymka aada si ay u yareeyaan baruurta caloosha, laakiin qaarkood dhab ahaantii dheg uma dhigaan waxa loo baahan yahay in la sameeyo.
Dufanka caloosha ayaa ah walaac ku badan dhalinyarada ka welwelsan muuqaalkooda iyo caafimaadkooda.
Dufanka ku uruuray calooshooda awgiis ma xiran karaan dhar raaxo leh oo iyaga ku habboon.
Dhibaatadani kaliya maaha xirashada dharka aad jeceshahay. Waxa la caddeeyey in dufanka calooshu uu khatar caafimaad keeni karo.
Xayrtaasi waxay sababi kartaa dhibaatooyin caafimaad oo badan oo halis ah, oo ay ku jiraan dhiig karka, sonkorta dhiigga oo kacda, iyo dhibaatooyinka kolestaroolka.
Cuduradani waxay ka yimaadaan baruurta ku taal aagga caloosha. Waxa kale oo ay kordhisaa halista nooca 2-aad ee sonkorowga iyo cudurrada wadnaha.
Cilmi-baaris ay daabacday jaamacadda Harvard ayaa muujisay in nooca borotiinka ee loo yaqaan 'cytokine' la soo saaro tiro aad u badan marka dufanku ku ururo aagga caloosha. Barootiinkani waxa uu keenaa caabuqa jirka.
Dufanka caloosha ayaa sidoo kale soo saara borotiin kale oo loo yaqaan angiotensin. Barootiinkani waxa uu keeni karaa in xididdada dhiigga ay yaraadaan iyo dhiig karka.Sidaa awgeed, halista waallida, neefta, iyo noocyada kansarka qaarkood ayaa kordha.
Sida laga soo xigtay Dr. Shiv Kumar Choudhry, dhakhtarka sare ee wadnaha ee Isbitaalka Fortis Escorts ee Delhi, dufanka caloosha ayaa ka khatar badan dufanka ku kaydsama qaybaha kale ee jirka.
Waa kuma ciyaaryahanka Afrikaanka ah ee ugu goolasha badan taariikhda Koobka Adduunka?
War deg deg ah, Turkiga oo si adag uga horyimid tallaabo Israa'iil qaadday
Xigashada Sawirka, Reuters
Turkiga ayaa si adag u cambaareeyay go’aanka Israa’iil ay ku aqoonsatay xasuuqii Armeniyiinta ee dhacay intii lagu jiray iyo wixii ka dambeeyay dagaalka koowaad, inuu ahaa xasuuq isir sifeyn ah.
Ankara ayaa sheegtay in go’aankaasi uu yahay tallaabo siyaasadeed oo Israa’iil ay isku dayayso inay ku leexiso dareenka caalamka eedeymaha loo jeedinayo ee ku saabsan falalka ay ka waddo Qasa iyo waxa ay Turkigu u uku tilmaamay cadaadiska lagu hayo shacabka Falastiin. Israa’iil ayaa beenisay eedeymahaas.
Inkasta oo Turkigu uu diidan yahay aqoonsigaas, haddana in ka badan 30 dal ayaa si rasmi ah u aqoonsaday xasuuqii Armeniyiinta inuu ahaa xasuuq isir sifeyn ah, waxaana ka mid ah Mareykanka, Ruushka iyo dalal badan oo Yurub ka tirsan.
Waxaa la qiyaasaa in in ka badan hal milyan oo Armeniyiin ah ay dileen ciidamadii Boqortooyadii Cusmaaniyiinta ee gobolka Anatolia, intii lagu jiray olole socday ku dhowaad toban sano oo isugu jiray tacaddiyo, barakicin qasab ah iyo socod lagu khasbay oo ay dad badan ku dhinteen.
War deg deg ah, Madaxweyne Putin oo qirtay dhaawaca ka soo gaaray dagaalka Ukraine
Xigashada Sawirka, Reuters
Madaxweynaha Ruushka, Vladimir Putin, ayaa qiray in dalka Ruushka uu wajahayo yaraanta shidaalka, taas oo ka dhalatay weerarrada ay Ukraine ku qaaday kaabeyaasha tamarta ee dalkaas. Hase yeeshee, wuxuu sheegay in xaaladdu aanay ahayn mid halis ah.
Wareysi uu sii daayay Aqalka Kremlin-ka, Putin ayaa sheegay in mudnaanta ugu weyn ay tahay xoojinta difaaca cirka iyo hubinta in shidaal ku filan la gaarsiiyo dhammaan gobollada, gaar ahaan gobolka Crimea.
Putin wuxuu kaloo sheegay inuu filayo in Mareykanku uu dib u billaabi doonno dadaalladeeda dhexdhexaadinta marka uu ka yaraado mashquulka arrimaha la xiriira Iiraan.
Warbaahinta madaxa bannaan iyo wiilka madaxweynaha Uganda oo qaati kala taagan
Xigashada Sawirka, AFP
Qoraalka sawirka, Janaraal Muhoozi Kainerugaba, wiilka madaxweynaha Uganda Shabakadda warbaahinta madaxa-bannaan ee ugu weyn Uganda ayaa sheegtay inay ku jirto "go'doomin milatari" ka dib markii taliyaha ciidanka - oo ah wiilka Madaxweyne Yoweri Museveni - uu amray in la xiro telefishinnada, wargeysyada iyo idaacadaha.
Wargeyska Daily Monitor ayaa sheegay in ciidamo hubaysan ay ku sugnaayeen meel dibadda ka ah xaruntooda caasimadda Kampala, isla markaana telefishinka NTV iyo Spark TV laga saaray hawada.
Warbaahintu waxay qayb ka tahay Nation Media Group, oo ah mid ka mid ah shirkadaha warbaahinta ugu saameynta badan Bariga Afrika.
Ma cadda waxa dhabta ah ee horseeday joojinta, laakiin qoraallo uu ku qoray X, Gen Muhoozi Kainerugaba wuxuu yiri: "Ma aaminsani saxaafadda xorta ah! Saxaafadda waa inay hagto kaadiriintii kacaanka."
Kooxaha mucaaradka iyo xuquuqda aadanaha ayaa ku eedeeyay Gen Kainerugaba inuu yahay shakhsi udub dhexaad u ah nidaam aad u caburin badan oo uu hoggaamiyo aabihiis.
Taageerayaasha madaxweynaha iyo qoyskiisa ayaa sheegaya in la damaanad qaaday xasilloonida Uganda, dhaqaaluhuna uu soo hagaagay xilligii ay xukunka hayeen.
Madaxweyne Museveni, oo 81 jir ah, waa hoggaamiye hore oo fallaago ah oo xukunka la wareegay qiyaastii 40 sano ka hor.
Sii akhri:
War deg deg ah, Iiraan oo u hiilisay Lubnaan iyo dalab ay u gudbisay Mareykanka
Xigashada Sawirka, irna
Wasiirka Arrimaha Dibadda ee Iiraan, Cabbaas Caraqji, ayaa sheegay in ka bixitaanka ciidamada Israa’iil ee Lubnaan iyo joojinta dhammaan howlgaladeeda militari ay yihiin shuruudo waajib ah oo ku xusan heshiiska ay wada gaareen Iiraan iyo Maraykanka.
Caraqji, oo booqasho rasmi ah ku jooga magaalada Baghdad ee dalka Ciraaq, ayaa sheegay in tallaabooyinkaas ay saldhig u yihiin guusha heshiis kasta oo looga golleeyahay in xasillooni waarta loogu soo dabaalo gobolka.
Dhankiisa, afhayeenka Wasaaradda Arrimaha Dibadda ee Iiraan, Ismail Baqaei, ayaa sheegay in Maraykanku ay waajib ku tahay inuu qaado dhammaan tallaabooyinka lagama maarmaanka ah si loo hubiyo in Israa’iil ay joojiso howlgalladeeda militari ee ka socda Lubnaan.
Isagoo la hadlayay warbaahinta, Baqaei wuxuu carrabka ku adkeeyay muhiimadda ay leedahay ilaalinta madax-bannaanida Lubnaan, xuduudaheeda, amniga iyo karaamada shacabka dalkaas.
Wuxuu intaas ku daray in joojinta weerarrada Israa’iil ay ka waddo Lubnaan iyo ka bixitaanka ciidamadeeda dhammaan dhulka Lubnaan ee ay weli haysato ay yihiin shuruudaha aasaasiga ah ee lagu gaari karo xasillooni waarta oo ka hanaqaadda gobolka.
Pakistan oo fulisay howlgal lagu beegsaday kooxo Islaamiyiin ah meel u dhow Afghanistan
Xigashada Sawirka, Getty Images
Pakistan ayaa sheegtay inay fulisay howlgal dhulka ah oo ku salaysan xog sirdoon, kaas oo ay xigeen duqeymo dhinaca cirka ah oo lala beegsaday maleeshiyaad Islaamiyiin ah oo ku sugan xadka u dhexeeya Pakistan iyo Afghanistan.
Wasiirka Warfaafinta Pakistan, Attaullah Tarar, ayaa sheegay in weerarradu ay beegsadeen waxa uu ku tilmaamay goobo ay ku dhuumaaleysanayeen maleeshiyaadka, islamarkaana lagu dilay 29 dagaalyahan.
Howlgalkan ayaa dhacay maalin kaddib markii koox Islaamiyiin ah ay weerar ku qaadday saldhig ay leeyihiin ciidamada ilaalada xuduudaha ee Pakistan ee magaalada koonfureed ee Karachi, halkaas oo lagu dilay saddex askari.
Islamabad ayaa ku eedeysa dowladda Taliban ee ka talisa Kabul inay hoy iyo gabbaad siiso maleeshiyaadka weerarada ku qaada ciidamada Pakistan, eedeyntaas oo ay dowladda Kabul si cad u beenisay.
Dhanka kale, dadka deggan gobolka Paktia ee Afghanistan ayaa BBC-da u sheegay in diyaaradaha dagaalka ee Pakistan ay duqeeyeen xaafad ay dad shacab ahi deggan yihiin, hase yeeshee ilaa iyo hadda lama soo sheegin wax khasaare naf ah oo ka dhashay weerarka.
Sii akhri:
War deg deg ah, Degdeg: Golaha Khuburada Iiraan oo Fatwooday in la dilo Madaxweynaha Mareykanka iyo Ra'iisul Wasaaraha Israa'iil
Xigashada Sawirka, Getty Images
Waxaa soo baxay kala qaybsanaan aan caadi ahayn oo ka dhex taagan Golaha khuburada Iiraan oo ah hay’adda ugu sarreysa culimada diinta ee Iiraan.
Ku dhowaad saddex meelood laba meel xubnaha golaha oo ka kooban 88 xubnood ayaa soo saaray fatwo diimeed ay ku baaqayaan in la dilo Madaxweynaha Mareykanka Donald Trump, iyo Ra’iisul Wasaaraha Israa’iil, Benjamin Netanyahu.
Fatwada ayaa sheegtay in ay waajib ku tahay Muslimiinta inay dilaan labada hoggaamiye haddii ay fursad u helaan.
Si kastaba ha ahaatee, maamulka Golaha Khubarada ayaa ku tilmaamay fatwadan “mid aan caadi ahayn”, iyagoo sheegay in waxa ku qoran ay u baahan yihiin dood iyo falanqeyn dheeraad ah.
Fatwadan oo ay soo saareen xubno mayal adag ayaa lagu daray warqad loo diray shacabka Iiraan. Warqaddaas ayaa sidoo kale lagu sheegay in Tehran aysan ahayn inay oggolaato furitaanka Marin-biyoodka Hormuz ama in barnaamijkeeda nukliyeerka lagaga hadlo wada-hadallada ay la leedahay Maraykanka.
Sii akhri:
Madaxweynihii hore ee Venezuela oo Mareykanka ku xiran oo war ka soo saaray xaaladda dalkiisa
Xigashada Sawirka, Getty Images
Madaxweynihii hore ee Venezuela, Nicolás Maduro, ayaa sheegay in dalkiisu uu wajahayo xaalad adaga oo ka dhalatay labadii dhulgariir ee dhawaan ku dhuftay.
Maduro ayaa haatan ku xiran dalka Mareykanka, halkaas oo uu ku sugayo maxkamadeyn lagu soo oogay eedeymo la xiriira inuu “argagixisanimo ku lug yeeshay iyo ganacsiga mukhaadaraadka” kaddib markii ay ciidamada Maraykanku qabteen horraantii bishii Janaayo.
Bayaan lagu daabacay akoonkiisa barta X, ayaa lagu sheegay in Venezuela ay taariikhdeeda soo martay “waqtiyo burbur iyo waqtiyo dib-u-soo-kabasho,” isla markaana dhulgariirradan laga yaabo inay ka mid yihiin “kuwa ugu xanuunka badan ee abid ka dhacay dalkaas.”
Si kastaba ha ahaatee, Maduro ayaa sheegay in dalku “mar kale dib u soo kaban doono,” isagoo tacsi u diray dadkii ku dhintay musiibada, isla markaana ammaanay shaqaalaha gurmadka ee ku howlan badbaadinta iyo samatabbixinta.
Maduro iyo xaaskiisa, Cilia Flores, ayaa lagu qabtay magaalada Caracas 3-dii Janaayo, intii lagu jiray howlgal uu oggolaaday Donald Trump.
Labadooda waxaa loo qaaday magaalada New York, si ay u wajahaan dacwado la xiriira mukhaadaraad iyo hub, eedeymahaas oo ay labaduba beeniyeen.
Intii uu Maduro maqan yahay, Delcy Rodríguez, oo hore u ahayd madaxweyne ku xigeenkiisa, ayaa Golaha Qaranka ee Venezuela u dhaariyay inay noqoto madaxweyne ku meel gaar ah.
Sii akhri:
War deg deg ah, Israa'iil oo shuruudo hor-leh soo saartay iyo sababta
Xigashada Sawirka, @gidonsaar
Wasiirka Arrimaha Dibadda ee Israa’iil, Gideon Saar, ayaa mar kale sheegay in hub ka dhigista Xisbullaah ay tahay shuruud lagama maarmaan u ah in lagu gaaro “nabadda iyo amniga” dalka Lubnaan.
Qoraal uu ku baahiyay barta X ayuu hadalkan ku sheegay, xilli uu kulan magaalada Qudus kula yeeshay dhiggiisa Koonfurta Suudaan, James Petty Morgan. Saar ayaa yiri:
“Israa’iil waxay doonaysaa nabad ay la yeelato Lubnaan, sida ka muuqata heshiiska qaab-dhismeedka ee la gaaray dhammaadkii toddobaadkan.”
Waxaa xusid mudan in heshiiska ay gaareen Israa’iil iyo Lubnaan uu xusayo hannaan wajiyo kala duwan leh, kaas oo dhigaya in ciidamada Lubnaan ay si buuxda u maamulaan amniga iyo awoodda dowladda ee dalka oo dhan. Si taas loo hirgeliyo, waxaa lagama maarmaan ah in la xaqiijiyo hub ka dhigista kooxaha hubeysan ee aan dowladda hoos iman. Arrintan ayaa si cad loogu jeedaa Xisbullaah, oo iyaduna ku tilmaantay heshiiska “mid aan wax ku ool ahayn oo aan sharciyad lahayn.”
Dhanka kale, Wasiirka Difaaca ee Israa’iil, Israel Katz, ayaa Sabtidii sheegay inuu faray ciidamada Israa’iil inay isu diyaariyaan joogitaan muddo dheer ah oo ay ku sii joogaan koonfurta Lubnaan.
Sii akhri:
War deg deg ah, Venezuela tirada dadka dhintay oo korortay
Xigashada Sawirka, Reuters
Tirada dadka ku dhintay Venezuela ayaa gaartay 1,450 qof, sida uu sheegay xildhibaan lagu magacaabo Jorge Rodríguez.
Shalay waxaa la sheegay inay tiradu ahayd 1,430 qof, taasoo ka dhigan in ay ku korortay 20 qof.
Dhulgariirkii ku dhuftay dalkaasi ayaa dhaliyay khasaaro xooggan oo isugu jira naf iyo maal.
Sii akhri sheekooyinka kale:
War deg deg ah, War cusub oo ku saabsan xiriirka Iiraan iyo Imaaraadka
Xigashada Sawirka, Getty Images
Duulimaadyada u dhexeeya Tehran iyo Dubai ayaa dib u billaaban doona laga bilaabo Isniinta berri ah, toddobaadyo kaddib markii Iiraan ay weerartay Imaaraadka Carabta intii uu socday dagaalkii Bariga Dhexe.
Madaxa Garoonka Caalamiga ah ee Imam Khomeini International Airport ayaa sheegay in dhammaan diyaar-garowgii lagama maarmaanka ahaa la dhammaystiray si dib loogu bilaabo duulimaadyada u dhexeeya labada dal.
Ka hor intii uusan dagaalku bilaaban, Garoonka Diyaaradaha ee Dubai wuxuu ahaa garoonka ugu mashquulka badan dunida marka loo eego tirada rakaabka caalamiga ah ee isticmaala.
Sii akhri sheekooyinka kale:
Xildhibaan Iiraani ah oo ka warramay wixii dhacay intii dagaalku socday
Xigashada Sawirka, Reuters
Mohsen Zanganeh, oo xubin ka ah Guddiga Qorsheynta iyo Miisaaniyadda ee Baarlamaanka Iiraan, ayaa sheegay in “go'doominta badda ee Maraykanku ay aad uga adkayd cunaqabataynta dhaqaale.”
Wareysi uu siiyay Wakaaladda Wararka Ardayda ee Iiraan ayuu ku yiri:
“Maraykanku wuxuu aad uga taxaddarayay iibinta shidaalka, sidaas darteed ma aanan awoodin inaan dalka soo gelinno dakhliga lacagaha qalaad. Waxay cadaadis weyn nagu saareen iyagoo hirgeliyay go'doomin badeed, taas oo aad noogu adkaysay inaan shidaalka iibinno.”
Xildhibaanka ayaa sidoo kale sheegay:
“Waxaan awoodnay inaan u oggolaanno qiyaastii 40% maraakiibtii sida badeecadaha daruuriga ah inay ka gudbaan go'doominta badda.”
Wax badan ka sii akhri: