Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 15 Luulyo 2026War deg deg ah, Ciidamada Ilaalada Kacaanka Iiraan oo war cusub hadda soo saaray

   War kale oo ay soo saareen, Ciidanka Ilaalada Kacaanka Islaamiga ah ee Iran, ayaa ku dhawaaqay inay burburiyeen raadaarrada difaaca gantaallada iyo hawada, iyo sidoo kale goobaha laga gano gantaallada ee Kuweyt.

   Qoraalka ayaa sidoo kale lagu xusay weerarro uu Maraykanku ku qaaday afar saldhig oo ku yaalla koonfurta Iran, kuwaas oo ay ka mid yihiin "bakhaar qamadi oo ku yaalla magaalada Hoveyzeh iyo warshad biyaha macdanta soo saarta oo ku taal Dehloran, gobolka Ilam."

   IRGC waxay sheegtay in "Xarunta Isgaarsiinta Dayax-gacmeedka, raadaarrada difaaca gantaallada iyo hawada, nidaamka difaaca hawada ee Patriot, saldhigga ciidamada Maraykanka ee Kuweyt iyo goobaha laga rido gantaallada Mars" ay dhammaantood bartilmaameed u noqdeen weerarro ay fuliyeen gantaallo iyo diyaarado aan duuliye lahayn oo ay adeegsadeen ciidamada IRGC.

   Warbaahinta Iran ayaa hore u sheegtay in "weerar diyaarado aan duuliye lahayn lagu qaaday Kuweyt, iyadoo sheegtay in nidaamka difaaca ee dalkaas la hawlgeliyay si looga hortago weerarka.

   Sii akhri:

   Hooyo cadow ah: 'waxay igu qasabtay inaan bukaan noqdo sanado badan'

   Xiisad u dhaxeysa Sacuudi Carabiya iyo Xuutiyiinta oo sii xoogeysanaysa

   Sheekada gooldhaliyihii ugu fiicnaa taariikhda Koobka Adduunka: Wuxuu doortay kabo amaah ah iyo qori hawada lagu toogto halkii laga siin lahaa Kabta Dahabka

2. 15 Luulyo 2026War deg deg ah, Degdeg: Iiraan oo ku hanjabtay in ay xiri doonto dhamaan waddooyinka ay wax ku dhoofiyaan saaxiibbada Mareykanka

   

   Xigashada Sawirka, Getty Images

   Saacado kadib markii Taliska Dhexe ee Ciidamada Maraykanka ee CENTCOM, uu ku dhawaaqay inuu dib u bilaabay go'doominta dhinaca badda ee dekedaha koonfureed ee Iran, isagoo adeegsanaya 20 markab dagaal iyo boqolaal diyaaradaha dagaalka ah, Ciidanka Ilaalada Kacaanka Islaamiga ah ee Iran ayaa soo saaray bayaan adag oo ay ku hanjabeen inay carqaladayn doonaan marinnada ay dalalka kale iyo "xulafada Maraykanka" u adeegsadaan dhoofinta, haddii waddooyinka Iran ay saliidda iyo gaaska u dhoofiso ay sii xirnaadaan.

   "Badowgu waa inuu ogaadaa in maadaama uu xiray marinka saliidda iyo gaaska looga dhoofiyo dunida iyada oo loo marayo Badweynta Hindiya, taas oo halis gelinaysa danaha tartamayaasha dhaqaale ee Maraykanka, uu hadda sugo in la xiro marinnada kale ee dhoofinta saliidda iyo gaaska ee u adeega danaha Maraykanka iyo xulafadiisa," ayaa lagu yiri bayaanka IRGC ee la soo saaray saaka oo Arbaco ah.

3. 15 Luulyo 2026Hooyo cadow ah: 'waxay igu qasabtay inaan bukaan noqdo sanado badan'

4. 15 Luulyo 2026Boqorka Spain oo isla markii ay ciyaarta dhamaatay-ba wacay xulka Spain

   

   Xigashada Sawirka, Getty Images

   Iyadoo kumannaan taageerayaal Isbaanish ah ay waddooyinka dalka isugu soo baxeen si ay u dabaaldegaan guusha, tababare Luis de la Fuente ayaa shaaciyay inuu telefoon ka helay oo uu soo wacay Boqor Felipe VI isla markii ciyaartu dhammaatay.

   De la Fuente wuxuu xiriir dhow la leeyahay ciyaartoydiisa, maadaama qaar badan oo ka mid ah ay hore uga soo hoos ciyaareen xulalka da’yarta ee Spain.

   Mikel Merino ayaa koobkiisii ugu horreeyay ee caalami ah kula guuleystay De la Fuente sannadkii 2015, markaas oo uu garabka la ciyaarayay Rodri — oo hadda ah kabtanka xulka — iyo goolhaye Unai Simón, iyagoo ku guuleystay Koobka Qaramada Yurub ee xulka 19 jirrada.

   “De la Fuente wuxuu safarkan bilaabay 10 sano ka hor isaga oo ay la jireen Oyarzabal, Dani Olmo, Rodri iyo Unai Simón,” ayuu yiri Guillem Balagué oo la hadlayay BBC Radio 5 Live.

   “Waxay ku guuleysteen Koobabka Qaramada Yurub ee 19 jirrada iyo 21 jirrada, si fiican ayay isu barteen, waxayna noqdeen sida qoys,dareenka ah in wadajir ahaan ay uga xoog badan yihiin inay ay keli ahaan u dadaalaan ayaa hadda qayb ka noqday dhaqankooda iyo aqoonsigooda.”

5. 15 Luulyo 2026Trump: Haddii aysan Iiraan miiska wadahadalka imaan, toddobaadka soo socda waxaan bartilmaameedsan doonnaa xarumaha korontada iyo buundooyinka dalkaas

   

   Xigashada Sawirka, EPA/Shutterstock

   Wareysi uu siiyay wariyaha Fox News Terry Yingst, Madaxweynaha Mareykanka Donald Trump ayaa sheegay in haddii Iran aysan miiska wada-hadallada iman, ciidamada Mareykanka ay toddobaadka soo socda duqeyn doonaan xarumaha korontada iyo buundooyinka dalkaas.

   Markii la weydiiyay suurtagalnimada in la qaado howlgal dhulka ah, Trump wuxuu yiri:“Arrintaas sidoo kale wax badan kama oran doono, haddii aan u arki lahaa inay habboon tahay inaan ka hadlo, waxaan oran lahaa maya,mararka qaarkood waxaa loo baahan yahay howlgal dhulka ah, laakiin waxaa jira dad kale oo annaga noo fulin doona howlgalkaas.”

6. 15 Luulyo 2026Xiisad u dhaxeysa Sacuudi Carabiya iyo Xuutiyiinta oo sii xoogeysanaysa

7. 15 Luulyo 2026Dimuqraadiyiinta Senate-ka Mareykanka oo hor istaagay hindise-sharciga difaaca sababo la xiriira dagaalka Iran

   

   Xigashada Sawirka, Reuters

   Xubnaha xisbiga Dimuqraadiga ee Aqalka Senate-ka Mareykanka ayaa muujiyay sida ay uga soo horjeedaan dagaal lala galo Iran, iyagoo hor istaagay in la meel mariyo sharciga sanadlaha ah ee siyaasadda difaaca dalka, kaas oo loo yaqaan (NDAA).

   Sharcigan, oo caadiyan hela taageero ballaaran oo ka timaadda labada xisbi, ayaan u gudbin marxaladda xigta ee Senate-ka kadib codbixin ay 50 xildhibaan u codeeyeen, halka 46 ay ka soo horjeesteen.

   Inkastoo ay weli bilo ka harsan yihiin ansixinta kama dambaysta ah ee sharciga, haddana guuldarrada ku timid u gudbintiisa waxay muujinaysaa kala qaybsanaanta xooggan ee ka jirta Senate-ka ee ku saabsan dagaalka Iran iyo saameynta uu ku yeelan karo siyaasadaha iyo miisaaniyadda Wasaaradda Difaaca Mareykanka.

   Senator Richard Blumenthal, oo ka tirsan xisbiga Dimuqraadiga kana ah xubinta ugu sarreysa ee mucaaradka ee Guddiga Adeegyada Ciidamada ee Senate-ka, ayaa wariyeyaasha u sheegay ka hor codbixinta in sharcigan uu si dhab ah uga dhigan yahay taageeridda dagaalka Iran.

   “Aragtidayda, sharcigani wuxuu ka dhigan yahay sii wadista maalgelinta dagaalka, iyadoo maamulka hadda jira uusan wax isla-xisaabtan ah muujin,” ayuu yiri.

   “Ka hor inta aan u codeyn Sharciga Oggolaanshaha Difaaca Qaranka, waxaan rabaa in maamulka uu si cad u qeexo istaraatiijiyaddiisa iyo qorshihiisa ugu dambeeya ee Iran, isla markaana uu oggolaansho ka helo Kongareeska sida uu dhigayo War Powers Act.”

   Senator Tammy Duckworth, oo iyaduna ka tirsan guddiga isla markaana ah Dimuqraadi, ayaa sidoo kale sheegtay inaysan u codeyn doonin in sharcigu u gudbo marxaladda xigta ilaa lagu daro wax-ka-beddel ay soo jeedisay, kaas oo looga hortagayo in maalgelin dheeraad ah loo qoondeeyo howlgallada weerarrada ah ee ka dhanka ah Iran.

8. 15 Luulyo 2026Iiraan ayaa sii wadda weerarrada diyaaradaha aan duuliyaha lahayn ee lagu qaadayo "saldhigyada Mareykanka" ee ku yaal Gacanka Faaris.

   Warbaahinta Iran ayaa sheegtay in Iran ay qaaday weerar loo adeegsaday diyaarado aan duuliye lahayn oo lagu beegsaday Kuwait, isla markaana nidaamka difaaca cirka ee dalkaas la hawlgeliyay si looga hortago weerarka.

   Dhanka kale, Wasaaradda Arrimaha Gudaha ee Baxrayn ayaa ku dhawaaqday in dalka laga maqlay seeriga digniinta duqeynta cirka.

   Sidoo kale, waxaa baraha bulshada lagu baahiyay sawirro iyo muuqaallo lagu sheegay in ay muujinayaan gantaallo Iran laga soo tuuray oo ku dhacay saldhigyo militari oo Mareykanku ku leeyahay Baxrayn iyo Urdun.

   BBC-da ayaa sheegtay in aysan si madax-bannaan u xaqiijin karin ama u beenin karin saxnaanta sawirrada iyo muuqaalladaas.

   Dhacdo kale, Amiir Saciid Iravaani, wakiilka Iran ee Qaramada Midoobay, ayaa sheegay in:“Mareykanka waa dalka gardarrada wada, ee ma aha dhibbanaha.”

   Iravaani ayaa sheegay inuu ka cabanayay hadalladii wakiilka Mareykanka ee Golaha Ammaanka, isagoo ku eedeeyay inuu “ka leexday ajandihii kulanka isla markaana madasha Golaha Ammaanka u adeegsaday faafinta xog been abuur ah.”

   Wuxuu intaas ku daray in wakiilka Mareykanka uu “soo jeediyay eedeymo aan sal lahayn oo siyaasadeysan oo ka dhan ah Jamhuuriyadda Islaamiga ah ee Iran.”

9. 15 Luulyo 2026Ku xigeenka Wasiirka Arrimaha Dibadda Iran: Mareykanka wuxuu burburiyay heshiiskii is-afgaradka ahaa

   Kazem Gharibabadi, ku xigeenka Wasiirka Arrimaha Dibadda ee Jamhuuriyadda Islaamiga ah ee Iran, ayaa sheegay in Mareykanku burburiyay heshiiskii lala gaaray:

   “Mareykanku wuxuu gebi ahaanba burburiyay heshiiskii is-afgaradka ahaa markii uu dib u soo celiyay xannibaadda badda.”

   Sida uu sheegay ku xigeenka wasiirka, “Qodobka ugu weyn ee heshiiskaas wuxuu ahaa in la joojiyo dagaalka ka dhanka ah Iran iyo dhinacyada kale, taas oo lagu xadgudbay gudaha dhulka Iran iyo sidoo kale Lubnaan.”

   Wuxuu sidoo kale sheegay in intii uu geedi-socodka lagu guda jiray aan wax heshiis ah lala gaarib Cumaan.

   Dhawaan, Wasiirka Arrimaha Dibadda Iran, Abbas Araqchi, ayaa booqday Cumaan si uu ugala wada hadlo xaaladda ka taagan marin-biyoodka Hormuz.

10. 15 Luulyo 2026Mareykanka oo weeerar ku qaaday mar kale cawa dalka Iran

    

    Xigashada Sawirka, Reuters

    Taliska Dhexe ee Mareykanka (CENTCOM) ayaa sheegay in weerarrada la qaaday ay ujeeddadoodu ahayd “in la yareeyo awoodda Iran ee ay ku weerari karto maraakiibta ganacsiga ee ku sugan marin-biyoodka Hormuz.”

    Sida laga soo xigtay ciidamada Mareykanka, weerarradan ayaa dhacay wax yar ka hor dib-u-soo-celinta xannibaadda lagu soo rogay dekedaha iyo goobaha xeebaha Iran.

    Dhanka kale, warbaahinta Iran ayaa sheegtay in qaraxyo laga maqlay magaalooyin iyo gobollo dhowr ah oo ku yaalla koonfurta dalka, kuwaas oo ay ka mid yihiin Bandar Abbas, Sirik iyo Ahvaz.

    Wakaaladda Wararka ee Mehr ayaa soo xigatay guddoomiyaha gobolka Hormozgan oo sheegay in “goob u dhow magaalada Bandar Abbas lagu beegsaday madaafiic loo nisbeeyay Mareykanka,” hase yeeshee weli lama soo sheegin wax war ah oo ku saabsan khasaaraha ama burburka ka dhashay.

    Sidoo kale, sida ay sheegtay wakaaladdu, magaalada Sirik ayaa lagu beegsaday “gantaal Mareykan ah,” balse weerarkaasi ma uusan sababin wax khasaare nafeed ah.

    Bayaanka CENTCOM ee ku saabsan “weerarrada lagu qaaday bartilmaameedyo ku yaalla Iran” ayaa kusoo beegmaya xilli la soo sheegayo qaraxyo ka dhacay gobollada koonfureed ee dalka.

11. 15 Luulyo 2026Iran oo weeraratay saldhigyada Mareykanka ee Kuwait iyo Baxreyn

    Hal saac kadib markii CENTCOM ay ku dhawaaqday weerarro cusub oo ka dhacay koonfurta Iran, Ilaalada Kacaanka Iran ayaa soo saartay bayaan ay ku sheegtay inay weerartay saldhigyo Mareykan ah oo ku yaalla Baxrayn iyo Kuwait.

    “Intii lagu guda jiray hawlgal isku mar ah oo gantaallo iyo diyaarado aan duuliye lahayn (drones) ah, dhowr bakhaarro oo lagu keydiyay hub iyo qalab loogu talagalay maraakiibta iyo diyaaradaha cadowga ayaa la burburiyay saacado ka hor, kuwaas oo ku yaallay saldhigga Sheikh Issa ee Baxrayn. ayaa lagu yiri bayaanka iran.

    Sidoo kale, tiro diyaarado aan duuliye lahayn ah ayaa la burburiyay ama waxyeello ayaa soo gaartay kadib weerar lagu qaaday goobtii laga hawlgelinayay diyaaradaha MQ-9 ee cadowga, taas oo ku taalla saldhigga Ali Al-Salem ee Kuwait.”

12. 15 Luulyo 2026Henderson iyo Quansah oo ah ciyaartoyda England ka maqnaanaya kulanka Argentina

    

    Xigashada Sawirka, Getty Images

    Jordan Henderson iyo Jarell Quansah ayaa la filayaa inay noqdaan labada ciyaaryahan ee keliya ee aan diyaar u ahayn xulka England kulanka semi-finalka Koobka Adduunka ee ay wajahayaan Argentina.

    Henderson weli wuxuu ka soo kabanayaa qalliin looga sameeyay gacanta ka jabtay xilli uu dabaaldegayay guushii ay England ka gaartay Mexico wareegga 16-ka. Difaaca Quansah, dhankiisa, wuxuu ganaax ku maqnaanayaa kadib kaarka cas ee uu ku qaatay isla kulankaas.

    Taasi waxay tababare Thomas Tuchel siinaysaa doorashooyin badan inta uu dhammeystirayo safka uu ku bilaabanayo kulanka.

    Tababaraha England weli ma uusan isticmaalin isla afarta difaac ee safka hore laba kulan oo isku xigta Koobka Adduunka, balse waxaa la fahamsan yahay inuu ka fikirayo inuu sii haysto isla difaaca ku bilaabay kulankii wareegga 8-da ee Norway.

    Ezri Konsa, John Stones, Marc Guehi iyo Nico O'Reilly ayaa dhammaantood ku bilowday kulankaas, waxaana la sheegay in Tuchel uu ku qancay sida afarta ciyaaryahan ay u wada shaqeeyeen kulankii ay England 2-1 kaga adkaatay Norway.

    Diyaargarowga Declan Rice ee kulankii Norway waxaa si weyn u saameeyay xanuun, balse BBC Sport ayaa Isniintii sheegtay in rajo laga qabo in xaaladdiisu soo hagaagtay oo uu diyaar u noqon doono inuu ciyaaro Arbacada.

    Rice ayaa si buuxda u tababartay Talaadadii, waxaana la filayaa inuu ku soo bilowdo kulanka Atlanta.

13. 15 Luulyo 2026CENTCOM: Mareykanka ayaa dib u bilaabay xayiraadda dhanka badda ee Iiraan

    

    Xigashada Sawirka, Centcom/Reuters

    Taliska Dhexe ee Mareykanka (CENTCOM) ayaa ku dhawaaqay in laga bilaabo 4:00 galabnimo waqtiga Bariga Mareykanka maanta — oo ku beegan ku dhowaad saqdii dhexe waqtiga Tehran — ciidamada Mareykanku ay dib u bilaabeen xannibaadda badda ee maraakiibta u kala goosha dekedaha Iran iyo goobaha xeebaha dalkaas.

    CENTCOM ayaa sidoo kale sheegtay in in ka badan 20 markab oo ciidamada badda Mareykanka ah iyo boqolaal diyaarado militari ah ay hadda ka hawlgalaan guud ahaan Bariga Dhexe.

    Bayaanka ayaa lagu yiri:“Ciidamada Mareykanka waxay weli ku jiraan feejignaan, waxayna leeyihiin diyaar-garow hawlgal iyo awood dagaal oo buuxda.”

    Taliska ciidamada Mareykanka ayaa sidoo kale ku dhawaaqay bilowga wareeg cusub oo weerarro ah oo lagu qaaday goobo ku yaalla Iran, iyaga oo ku tilmaamay “weerarro dheeraad ah” oo sii wadaya mowjadihii weerarrada ee dhacay subaxnimadii Talaadada.

14. 15 Luulyo 2026Mikel Oyarzabal waxaa uu Koobka adduunka ka dhaliyay goolal badan

    

    Xigashada Sawirka, Getty Images

    Mikel Oyarzabal ayaa noqday ciyaaryahankii saddexaad ee xulka Spain ee hal Koob Adduun ka dhaliya shan gool.

    Kahor isaga, waxaa sidaas sameeyay oo keliya David Villa sanadkii 2010 iyo Emilio Butragueño sanadkii 1986, iyadoo labadooduba ay sidoo kale dhaliyeen min shan gool.

15. 15 Luulyo 2026Waxaan sameynay wax kasta oo suurtagal ah; waa riyo rumowday

    

    Xigashada Sawirka, Getty Images

    Difaaca Spain iyo ciyaaryahanka ugu wanaagsan kulanka, Pedro Porro, oo ka hadlaya ka dib guushii ay ka gaareen ciyaartii caawa ay la dheeleen Faransiiska.

    “Waa riyo ii rumowday. Runtii waxay ahayd riyadaydii ugu weyneyd. Aad ayaan ugu faraxsanahay kooxda. Bilow ilaa dhammaad waxaan ciyaarnay kulan weyn. Maanta waxaan sameynay wax kasta oo suurtagal ah si aan ugu gudubno.

    “Waxaan ogayn inaan wajahayno koox aad iyo aad u adag, waxaana si fiican u qabannay wax walba. Tani waa dadaal kooxeed, aniga keliya ma aha. Waxaan rabaa inaan hambalyeeyo qof walba oo sameeyay bandhig sidan u wanaagsan.”

    Isagoo ka hadlayay sida ay uga hor istaageen Faransiiska inuu ciyaaro qaabkiisa:

    “Dabcan waan ogayn in kubad haysashadu ay ahayd mid ka mid ah waxyaabaha naga caawin lahaa inaan u dhowaanno kama dambaysta. Weerar-celintooda degdegga ah waa awooddooda ugu weyn, joojinta taasna waxay ahayd arrin muhiim ah.”

    Isagoo ka hadlayay beddelkiisii:

    “Ma garanayo daqiiqaddii la iga saaray, laakiin waxaan dareemayay inaanan wax badan sii kordhin karin. Sida aan horay u sheegay, guushan waxaa gaaray dhammaanteen, 26-ka ciyaaryahanba. Hadda waan sii wadeynaa.

    “Waqtigan xaadirka ah aad ayaan u daalay, laakiin waan soo kaban doonnaa, ka dibna waxaan siin doonnaa wax walba ciyaarta kama dambaysta ah.”

16. 15 Luulyo 2026Abaalmarinta ciyaaryahanka ugu wanaagsan ciyaartii cawa waxaa helay Pedro Porro

    

    Xigashada Sawirka, Getty Images

    Pedro Porro waligiis gool uma uusan dhalin xulka Spain ka hor Koobkan Adduunka.

    Difaaca Tottenham ee 26 jirka ah ayaa hadda tartankan ka dhaliyay laba gool, iyadoo goolkiisii ugu dambeeyay uu dalkiisa u horseeday inuu gaaro kama dambaysta Koobka Adduunka markii ugu horreysay tan iyo 2010.

17. 15 Luulyo 2026War deg deg ah, Abaalmarinta Ciyaaryahanka Kulankii caawa waxaa qaadanaya Pedro Porro

    

    Xigashada Sawirka, Getty Images

    Ciyaar tani waa mid ka mid ah bandhigyada kubadda cagta ee ugu quruxda badnaa, waxaana ciyaarta lagu kala awood batay qaab ciyaareedka xulka labada qaran waa Spain oo ciyaarta kubad deggan oo khadka dhexe ka socota iyo xulka Faransiiska oo sii watay qaab ciyaareedkiisii degdegga ahaa iyo weerarkoodii labada garab.

    Spain caawa ciyaartan waxay ku awood sheegatay dhumucda kooxdeeda iyo habka kubadaha sida degdegga ah ay dib ugu hanan karto, waxayna tani jahwareer ku furtay xulka Faransiiska oo isku aadinta kubadahiisii degdegga ahaa meesha ay ka baxeen.

    Spain waloow ciyaarta ay dhalisay labo gool haddana ma gelin difaac xoogan ee weerarka ayayba sii xoojisay waxayna u muuqdeen in ay ka faa'iidaysanayaan jahwareerka ku yimid Faransiiska.

    Ciyaarta kama dambaysta ah ee Koobka Adduunka waxaa ku kulmi doona Spain iyo midkood England ama Argentina. Spain, oo ku guuleysatay Koobka Adduunka 2010 isla markaana ah kooxda heysata horyaalka Yurub ee hadda, ayaa xaqiijisatay booskeeda kulanka weyn ee kama dambaysta ah.

    Labada gool waxaa kala dhaliyay ciyaaryahannada Oyarzabal iyo Porro.

18. 14 Luulyo 2026War deg deg ah, Patrick Vieira oo ka hadlay ciyaarta

    Article Information

    • • 
      • Author, Patrick Vieira
      • Role, Kabtankii hore ee xulka Faransiiska

    Waxaan filayay in qeybta labaad ay wax badan soo bandhigi doonaan [xulka Faransiiska]. Waxaana u maleynayaa in Spain ay aad uga wanaagsan tahay xulka Faransiiska.

    Waxay u muuqataa in kalsooni yari jirto. Ma garanayo inay aad uga baqeen kooxda Spain iyo in kale. Waxaan dareemayaa in ay ka maqan tahay shakhsiyad iyo dabeecad ay ciyaarta gacanta ugu dhigaan. Waan niyad jabay!

19. 14 Luulyo 2026Shiinaha oo Mareykanka ku eedeeyay inuu Bariga Dhexe gelinayo “xaalad khatar ah”

    

    Xigashada Sawirka, Reuters

    Shiinaha ayaa ku eedeeyay Mareykanka xilli lagu guda jiray kulanka Golaha Ammaanka ee Qaramada Midoobay inuu Bariga Dhexe ku riixayo “xuduud khatar ah” sababo la xiriira dagaalka uu kula jiro Iran.

    Intii lagu jiray kulanka Golaha Ammaanka oo looga hadlayay xaaladda Xuutiyiinta Yemen, wakiilka Shiinaha ee Qaramada Midoobay, Sun Li, ayaa sheegay:“Dowladda Mareykanka waxay leedahay mas’uuliyad aan la dafiri karin oo ku aaddan xaaladda hadda ka jirta Yemen iyo Badda Cas.”

    Wuxuu intaas ku daray: “Mareykanka ayaa caqabad ku ah dadaallada Golaha Ammaanka ee lagu doonayo in lagu soo afjaro colaadaha, wuxuuna sabab u yahay sii socoshada dhibaatada Gaza iyo kororka xiisadaha.”

    Wakiilka Shiinaha ayaa sidoo kale sheegay:

    “Mareykanku wuxuu qaaday weerarro militari oo ka dhan ah Iran isaga oo aan haysan oggolaansho Golaha Ammaanka, xilli ay socdeen wada-hadallo u dhexeeyay Washington iyo Tehran, taasoo mar kale xaaladda gobolka ku riixday meel aad u khatar badan.”

    Hadallada Sun Li ayaa yimid kadib markii safiirka Mareykanka ee Qaramada Midoobay, Mike Waltz, uu dhowr daqiiqo ka hor ku eedeeyay Beijing inay jebisay xayiraadda hubka ee Qaramada Midoobay ee saaran Xuutiyiinta.

    “Dalal ay ka mid yihiin Iran, iyo ilaa xad shirkado iyo hay’ado ku yaalla Shiinaha, ayaa jebiyay go’aamada Golaha Ammaanka iyaga oo aan la kulmin cawaaqib culus,” ayuu yiri Waltz.

    Wakiilka Shiinaha ayaa sheegay in Mareykanku “dib u eegis ku sameeyo tallaabooyinkiisa isla markaana qaado tallaabooyin dhab ah oo lagu baabi’inayo saameynta taban ee ka dhalatay dhaqamadiisa iyo hadalladiisa.”

    Warar dheeraad ah

    Waa kuwee saldhigyada Maraykanka ee Iiraan ay sheegtay inay beegsatay

    Halkee buu ku maqan yahay hogaamiyaha ruuxiga ee Iiraan Mojtaba Khamenei?

    Nin ku sigtay in uu ka dhaco diyaarad markii ay jabtay daaqaddii uu fadhiyay

20. 14 Luulyo 2026Mareykanka oo ku dhawaaqay weerarro cusub oo lagu qaaday bartilmaameedyo militari oo ku yaalla Iran.

    Sarkaal ka tirsan dowladda Mareykanka ayaa wakaaladda wararka ee Reuters u sheegay in ciidamada Mareykanka ay waaberigii hore ee maanta oo Talaado ah weerarro dheeraad ah ku qaadeen bartilmaameedyo militari oo ku yaalla Iran, si loo baabi’iyo waxa uu ku tilmaamay “halisyo soo ifbaxaya.”

    Sarkaalka oo codsaday inaan magaciisa la shaacin ayaan bixin faahfaahin dheeraad ah, hase yeeshee wuxuu sheegay in tirada weerarrada cusub ay ahayd mid xaddidan.

    Ciidamada Mareykanka ayaa hore u shaaciyay in 13-kii Luulyo ay fuliyeen weerarro ballaaran oo lagu beegsaday nidaamyada difaaca xeebaha ee Iran, saldhigyada gantaallada iyo diyaaradaha aan duuliyaha lahayn iyo awoodaha ciidamada badda ee dalkaasi.

    Sida lagu sheegay wararka, weerarradaas ayaa lagu bartilmaameedsaday goobo kala duwan oo ku yaalla Iran, oo ay ku jiraan Bushehr, Chabahar, Jask, Konarak, Abu Musa iyo Bandar Cabbaas.

    Warar dheeraad ah

    Waa kuwee saldhigyada Maraykanka ee Iiraan ay sheegtay inay beegsatay

    Halkee buu ku maqan yahay hogaamiyaha ruuxiga ee Iiraan Mojtaba Khamenei?

    Nin ku sigtay in uu ka dhaco diyaarad markii ay jabtay daaqaddii uu fadhiyay