القاعدہ کا افغانستان میں وجود نہیں ہے اور ہمارا اس سے کوئی تعلق نہیں ہے: ترجمان طالبان

طالبان کے سیاسی دفتر کے ترجمان کا کہنا ہے کہ ’القاعدہ کا افغانستان میں وجود نہیں ہے اور ہمارا اس سے کوئی تعلق نہیں ہے۔‘ دوسری جانب احمد مسعود نے پنجشیر میں نو ہزار جنگجو جمع کر لیے ہیں اور ان کا کہنا ہے کہ ان کی تحریک مذاکرات پر راضی ہے لیکن ’آخری آدمی تک دفاع کے لیے تیار ہے۔‘

لائیو کوریج

20 اگست 2021برطانوی سیکرٹری دفاع: کابل سے کوئی طیارہ خالی نہیں آ رہا
برطانیہ کے سکریٹری دفاع کا کہنا ہے کہ کابل سے برطانوی اور افغانیوں کو لے جانے والا کوئی بھی طیارہ خالی پرواز نہیں کر رہا۔
بین والیس نے ان رپورٹوں کو مسترد کیا کہ کابل سے آنے والی کچھ پروازوں میں صرف چند لوگ شامل تھے۔
انہوں نے بی بی سی بریک فاسٹ کو بتایا کہ ’ہر گھنٹہ اہم ہے‘ اور تصدیق کی کہ ’طالبان ہمارے لوگوں کو گزرنے دے رہے ہیں۔‘
لیکن ایئر پورٹ کی حدود میں طالبان کی قائم کردہ چوکیوں سے افراتفری کے مناظر سامنے آ رہے ہیں۔
تقریباً 4500 امریکی فوجی کرزئی انٹرنیشنل ایئرپورٹ پر عارضی کنٹرول سنبھالے ہوئے ہیں، تقریباً 900 برطانوی فوجی بھی انخلا کی پروازوں کو محفوظ بنانے کی کوششوں کے حصے کے طور پر گشت پر ہیں۔
طالبان سفری دستاویزات کے بغیر افغانیوں کو داخل ہونے سے روک رہے ہیں۔ خبر رساں ایجنسی روئٹرز نے ایک طالبان عہدیدار کے حوالے سے کہا ہے کہ اتوار سے اب تک کابل ہوائی اڈے کے ارد گرد بارہ افراد ہلاک ہو چکے ہیں۔
لیکن درست کاغذات رکھنے والوں کو بھی ہوائی اڈے تک پہنچنے میں مشکلات کا سامنا ہے، اطلاعات کے مطابق کچھ لوگوں کو طالبان کے محافظوں نے مارا پیٹا بھی ہے۔
20 اگست 2021کابل ائیرپورٹ پر فوجیوں کے حوالے کیے جانے والے بچے کی ڈرامائی تصویر کے پیچھے کہانی
کابل ایئر پورٹ کے باہر لوگوں کے بڑھتے ہوئے ہجوم میں سے ایک چھوٹا بچہ جمعرات (19 اگست) کو کابل ائیرپورٹ کی حفاظت کرنے والے ایک امریکی فوجی کے ہاتھوں حفاظت کے لیے لگائی گئی خاردار تاروں سے گزارا گیا۔
سوشل میڈیا پر شیئر کی گئی یہ فوٹیج بہت سے افغانیوں میں مایوسی کے اس احساس کی عکاسی کرتی ہے جو طالبان کی اقتداد میں واپسی سے خوفزدہ ہیں۔
ہزاروں لوگ کابل ہوائی اڈے سے بیرون ملک جانے والی فوجی اور سویلین پروازوں سے نکلنے کی کوشش کر رہے ہیں، لیکن افراتفری کے مناظر کے درمیان کچھ ہلاک یا زخمی ہوئے ہیں اور ہجوم پر قابو پانے کے لیے مسلح طالبان کے ارکان ہوا میں فائرنگ کر رہے ہیں۔
امریکی فوجی بھی وہاں تعینات ہیں تاکہ ہوائی اڈے کو بند نہ کیا جائے جبکہ غیر ملکیوں اور افغانیوں کا انخلا جاری ہے۔
دریں اثنا کابل پر طالبان کے قبصے کے بعد امریکی فوج 20 سال کی لڑائی کے بعد افغانستان سے انخلا مکمل کر رہی ہے۔
20 اگست 2021لندن کی افغان نژاد کونسلر کی کابل سے بچ نکلنے کی داستان
20 اگست 2021بریکنگ, ’طالبان افغان حکومت، مغربی افواج کے ساتھ کام کرنے والوں کی تلاش میں گھر، گھر جا رہے ہیں‘
اقوامِ متحدہ کی ایک رپورٹ میں دعوی کیا گیا ہے کہ طالبان سابق افغان حکومت یا نیٹو افواج کے ساتھ کام کرنے والے افغانوں کی تلاش میں گھر، گھر جا رہے ہیں۔
رپورٹ میں کہا گیا ہے کہ طالبان جنگجو ایسے لوگوں کے خاندانوں کو بھی ہراساں کر رہے ہیں۔
حالیہ دنوں میں طالبان کی جانب سے کئی بار یقین دہانی کروائی گئی کہ سابق حکومت یا مغربی افواج کے ساتھ کام کرنے والوں کے لیے ’عام معافی‘ ہے اور ’کسی سے بلدہ نہیں لیا جائے گا۔‘
تاہم بین الاقوامی برادری، بالخصوص اقوامِ متحدہ کو ان دعوؤں پر شک ہے۔
یہ دعوی اقومِ متحدہ کے ساتھ کام کرنے والے RHIPTO نارویجن سنٹر فار گلوبل انیلیسیز کی جانب سے ایک خفیہ دستاویز میں سامنے آیا۔ یہ ادارہ اقاومِ متحدہ کو خفیہ معلومات قراہم کرتا ہے۔
ادارے کی سربراہ کرسچن نعلیمین نے بی بی سی کو بتایا: ’اس وقت لوگوں کی ایک بڑی طالبان کے ہدف پر ہے اور ان کے لیے خطرہ صاف ظاہر ہے۔‘
ادارے کے مطابق طالبان نے تحریری حکم جاری کیے ہیں جن میں کہا گیا ہے کہ اگر وہ اپنے آپ کو طالبان کے حوالے نہیں کرتے تو ایسے لوگں کے خاندان والوں کو حراست میں لے کر سزائیں دی جائیں گی۔
انھوں نے خبردار کیا کہ ’طالبان کی بلیک لسٹ‘ پر موجود ہر شخص کی جان خطرے میں ہے اور خدشہ ظاہر کیا کہ سابعق حکومتی یا فوجی اہلکاروں کو بڑے پیمانے پر ہلاک کیا جا سکتا ہے۔
یاد رہے کہ بین الاقوامی مشن اپنے شہریوں کو تیزی سے کابل سے نکال رہے ہیں۔ ایک نیٹو اہلکار کے مطابق گذشتہ پانچ دنوں میں تقریباً 18 ہزار غیر ملکیوں کو کابل ایئر پورٹ کے ذریعے ملک سے نکالا گیا ہے۔
20 اگست 2021ٹرمپ کا ’شاندار معاہدہ‘ جس نے افغانستان کی قسمت کا فیصلہ کر دیا
20 اگست 2021کابل میں مسلسل فائرنگ کی گونج اور قندھار کے سوئمنگ پول میں ڈبکیاں لگاتے طالبان
19 اگست 2021نوجوان افغان فٹ بالر امریکی فوجی طیارے سے گر کر ہلاک ہو گئے
افغان حکام نے تصدیق کی ہے کہ کابل ایئرپورٹ پر ٹیک آف کرتے ہوئے ایک امریکی فوجی طیارے سے گر کر ایک نوجوان فٹ بالر ہلاک ہو گئے ہیں۔
اُنیس سالہ ذکی انوری افغانستان کی جونیئر قومی ٹیم کے لیے کھیلتے تھے۔ اُن کی ہلاکت کے بارے میں مزید تفصیلات جاری نہیں کی گئی ہیں۔
فیس بک پر افغانستان کے محکمہ برائے کھیل و جسمانی تعلیم نے ذکی انوری کو خراجِ عقیدت پیش کیا اور اُن کے لیے دعا کی اپیل کی۔
طالبان کی جانب سے افغانستان پر قبضے کے بعد سے ہزاروں لوگ کابل ایئرپورٹ پر جمع ہو رہے ہیں تاکہ ملک سے باہر جا سکیں۔
مغربی ممالک اپنے شہریوں اور اُن کے افغان ساتھیوں کو نکال رہے ہیں۔ پیر کو تصاویر سامنے آئی تھیں جس میں سینکڑوں لوگ امریکی فضائیہ کے طیارے کے ساتھ بھاگ رہے تھے جبکہ کچھ لوگ اس کی ایک جانب بیٹھے ہوئے تھے۔
مقامی میڈیا کے مطابق طیارے کے ٹیک آف کرنے کے بعد دو لوگ اس سے گر کر ہلاک ہو گئے جبکہ امریکی فضائیہ نے تصدیق کی ہے کہ ایک جہاز کے قطر پہنچنے کے بعد اس کے پہیوں سے انسانی باقیات بھی ملی ہیں۔
19 اگست 2021بائیڈن کا تین لاکھ افغان فوجی تیار کرنے کا دعویٰ کتنا درست ہے؟
امریکی نشریاتی ادارے اے بی سی نیوز سے گفتگو کرتے ہوئے صدر بائیڈن نے کہا: ’ہم نے کوئی تین لاکھ فوجیوں پر مشتمل افغان ملٹری کو تربیت دی اور سامان فراہم کیا۔‘
کئی ماہرین کے نزدیک یہ اعداد و شمار مبالغے پر مبنی ہیں۔
صدر بائیڈن نے یہ اعداد و شمار افغانستان کی صورتحال کی نگرانی کے لیے بنائے گئے امریکی ادارے سے لیے مگر انھیں سیاق و سباق سے ہٹ کر استعمال کرنا گمراہ کن ہے۔
امریکہ کے سپیشل انسپکٹر جنرل برائے افغان تعمیرِ نو نے اپریل 2021 میں افغان سکیورٹی فورسز کی کُل تعداد تین لاکھ 699 بتائی ہے۔
مگر اس میں آرمی اور ایئر فورس کے اہلکار (ایک لاکھ 82 ہزار 71) اور افغان پولیس کے اہلکار (ایک لاکھ 18 ہزار 628) شامل ہیں۔ پولیس کو افغان فوج کی طرح تعینات نہیں کیا گیا ہے۔
اس رپورٹ میں کئی ’گھوسٹ‘ سکیورٹی اہلکاروں کا بھی انکشاف کیا گیا۔
رپورٹ میں کہا گیا کہ سالانہ 30 کروڑ ڈالر افغان سکیورٹی فورسز میں ایسے لوگوں کی تنخواہوں پر خرچ کیے گئے جو وجود ہی نہیں رکھتے تھے۔
بی بی سی نیوز نائٹ کی ایک تحقیق کے مطابق افغان فوج کی تعداد زیادہ سے زیادہ 50 ہزار تک بھی ہو سکتی ہے۔
19 اگست 2021ذبیح اللہ مجاہد: طالبان دوستانہ تعلقات چاہتے ہیں مگر مداخلت کے خلاف اٹھ کھڑے ہوں گے
طالبان کے ترجمان ذبیح اللہ مجاہد نے کہا ہے کہ وہ تمام ممالک کے ساتھ ’دوستانہ تعلقات‘ چاہتے ہیں۔
آریانہ نیوز ٹی وی کے مطابق افغانستان کے یومِ آزادی سے متعلق ایک تقریب سے خطاب کرتے ہوئے ذبیح اللہ مجاہد نے کہا کہ طالبان کسی بھی ملک کے خلاف معاندانہ جذبات نہیں رکھتے۔
اُنھوں نے کہا کہ تاہم اگر کسی ملک نے افغانستان میں مداخلت کی تو وہ اس کے خلاف اٹھ کھڑے ہوں گے۔
اُنھوں نے افغان عوام پر زور دیا کہ وہ طالبان کے ساتھ مل کر کام کریں اور ایک ’متنوع نظام‘ بنانے میں اُن کی مدد کریں۔
19 اگست 2021عالمی برادری افغانستان پر دباؤ ڈالنے کے بجائے اس کی مدد کرے: چین
چین کے وزیرِ خارجہ وانگ یی نے برطانیہ کے وزیرِ خارجہ ڈومینیک راب سے ٹیلیفونک گفتگو میں کہا ہے کہ دنیا کو افغانستان پر مزید دباؤ ڈالنے کے بجائے اس کی رہنمائی اور مدد کرنی چاہیے۔
جمعرات کو ہونے والی اس بات چیت میں روئٹرز کے مطابق چینی وزیرِ خارجہ نے کہا افغانستان میں صورتحال غیر مستحکم اور غیر یقینی ہے اور عالمی برادری کی مدد اور حمایت استحکام لانے میں مددگار ہوگی۔
چین نے اب تک طالبان کو باقاعدہ طور پر تسلیم نہیں کیا ہے تاہم گذشتہ ماہ وانگ یی نے طالبان کے سیاسی دفتر کے سربراہ ملا عبدالغنی برادر سے چین کے شہر تیانجن میں ملاقات کی تھی۔
اب سے کچھ دیر قبل طالبان ترجمان سہیل شاہین نے چین کے سرکاری ٹی وی سے گفتگو میں کہا تھا کہ چین چاہے تو افغانستان کی تعمیر و ترقی میں حصہ لے سکتا ہے۔
چین نے روس اور ایران کی طرح افغانستان میں اپنا سفارت خانہ کھلا رکھنے کا اعلان کیا ہے جبکہ کئی مغربی ممالک وہاں اپنے سفارت خانے بند کر چکے ہیں۔
وانگ یی نے ڈومینیک راب سے گفتگو میں کہا کہ عالمی برادری کو افغانستان کو جیوپولیٹیکل میدانِ جنگ کے طور پر استعمال نہیں کرنا چاہیے بلکہ اس کی آزادی اور اس کے لوگوں کی امنگوں کا احترام کرنا چاہیے۔
یاد رہے کہ گذشتہ روز وزیرِ اعظم برطانیہ بورس جانسن نے کہا تھا کہ طالبان کو اُن کے الفاظ سے نہیں بلکہ اقدامات سے پرکھا جائے گا۔
بدھ کو برطانوی پارلیمان میں ہونے والی بحث میں حکومت کو افغانستان سے انخلا کی حکمتِ عملی پر شدید تنقید کا سامنا کرنا پڑا جبکہ برطانیہ کے چیف آف ڈیفینس سٹاف جنرل نک کارٹر نے بھی گذشتہ روز بیان دیا تھا کہ طالبان اب ممکنہ طور پر 1990 کی دہائی والے سخت گیر طالبان نہیں ہیں۔
19 اگست 2021بریکنگ, طالبان: چین افغانستان کی ترقی میں حصہ لے سکتا ہے
افغان طالبان کے ترجمان سہیل شاہین نے کہا ہے کہ چین اگر چاہے تو مستقبل میں افغانستان کی ترقی میں کردار ادا کر سکتا ہے۔
یہ بات اُنھوں نے چین کے سرکاری سی جی ٹی این ٹی وی کے ساتھ گفتگو میں کہی ہے۔
19 اگست 2021روس: ’طالبان امن امان بحال کر رہے ہیں اور مذاکرات کے لیے آمادہ نظر آ رہے ہیں‘
روسی وزارتِ خارجہ کی ترجمان ماریہ زخروفا نے کہا ہے کہ طالبان سرگرمی سے ’امن و امان بحال‘ کر رہے ہیں اور اُنھوں نے مذاکرات کے لیے آمادگی ظاہر کی ہے۔
اے ایف پی کے مطابق ماریہ زخروفا نے کہا کہ طالبان ’شہریوں کے مفادات بشمول خواتین کے حقوق‘ پر غور کرنے کے لیے تیار ہیں۔
واضح رہے کہ روس نے کہا ہے کہ افغانستان میں اس کا سفارت خانہ کھلا رہے گا۔
گذشتہ ماہ ماسکو نے طالبان وفد کو اپنے ملک کے دورے پر مدعو بھی کیا تھا۔
ماریہ زخروفا نے اپنی پریس بریفنگ میں یہ بھی بتایا کہ روس کا اپنے سفارتی عملے اور شہریوں کو افغانستان سے نکالنے کا کوئی ارادہ نہیں ہے۔
’لیکن پھر بھی اُن روسی شہریوں کے لیے چارٹرڈ طیاروں کا بندوبست کرنے کے لیے منصوبے موجود ہیں جو افغانستان چھوڑنے کی خواہش رکھتے ہیں۔‘
اُنھوں نے کہا کہ اگر کوئی ملک افغان شہریوں بشمول خواتین اور بچوں کو اپنے پاس بلا کر پناہ دینا چاہتا ہے، تو روس اس کام کے لیے اپنی سول ایوی ایشن خدمات پیش کرنے کے لیے تیار ہے، چاہے ایسے لوگوں کی تعداد کتنی بھی ہو۔
19 اگست 2021’خواتین کے حقوق کا معاملہ فوجی طاقت سے حل نہیں ہو سکتا‘
اے بی سی نیوز کے ساتھ اپنے انٹرویو میں جو بائیڈن نے افغان خواتین کے معاملے پر بھی بات کی۔
اُنھوں نے کہا: ’یہ معقول خیال نہیں ہے کہ دنیا بھر میں خواتین کے حقوق کا معاملہ فوجی طاقت سے حل ہو سکتا ہے۔‘
’بہت سی ایسی جگہیں ہیں جہاں خواتین جبر کی شکار ہیں۔ ان سے نمٹنے کا طریقہ ان پر اقتصادی، سفارتی اور بین الاقوامی دباؤ ڈالنا ہے تاکہ وہ اپنا رویہ تبدیل کریں۔‘
بائیڈن نے کہا کہ اُنھوں نے اپنے مشیروں سے کہا ہے کہ امریکی انخلا کے آپریشن میں جس قدر ممکن ہو اتنی خواتین کو افغانستان سے باہر نکالیں۔
’ہمیں چاہیے کہ جتنی خواتین کو نکال سکیں اُن کو نکالیں۔‘
19 اگست 2021پنجشیر میں طالبان مخالف مزاحمت جنم لے رہی ہے: روسی وزیرِ خارجہ
روسی وزیرِ خارجہ سرگئی لاوروف نے کہا ہے کہ افعانستان کی وادی پنجشیر میں امراللہ صالح اور احمد مسعود کی قیادت میں طالبان مخالف مزاحمت جنم لے رہی ہے۔
فرانسیسی خبر رساں ادارے اے ایف پی کے مطابق سرگئی لاوروف نے ماسکو میں ایک پریس کانفرنس سے خطاب کرتے ہوئے کہا کہ طالبان کے پاس اب بھی پورے ملک کا قبضے نہیں ہے۔
’وادی پنجشیر سے اطلاعات ہیں کہ وہاں مزاحمت جنم لے رہی ہے جہاں امراللہ صالح اور احمد مسعود موجود ہیں۔‘ اُنھوں نے ایک مرتبہ پھر افغانستان میں تمام دھڑوں کی ’نمائندہ حکومت‘ بنانے کے لیے کثیر فریقی مذاکرات پر زور دیا۔
واضح رہے کہ پنجشیر وادی افغانستان کے شمال مشرق میں واقع ہے۔
سوشل میڈیا پر حالیہ دنوں میں وائرل ہونے والی تصاویر میں دیکھا جا سکتا ہے کہ شمالی اتحاد کے ہلاک رہنما احمد شاہ مسعود کے بیٹے احمد مسعود وہاں امراللہ صالح کے ساتھ مل کر طالبان کے خلاف گوریلا مزاحمت کی تیاری کر رہے ہیں۔
19 اگست 2021افغانستان میں طالبان کی فتح انڈیا اور علاقائی امن کا امتحان ہو گا
19 اگست 2021طالبان: ’غیر ملکیوں اور افغانوں کو محفوظ راستہ دے رہے ہیں‘
طالبان نے کہا ہے کہ وہ کابل سے غیر ملکیوں کے انخلا میں غیر ملکی افواج کی مدد کر کے اپنے ’وعدے کی پاسداری‘ کر رہے ہیں۔
خبر رساں ادارے روئٹرز سے بات کرتے ہوئے ایک طالبان عہدیدار نے کہا کہ ’ہم نہ صرف غیر ملکیوں بلکہ افغانوں کو بھی ملک چھوڑنے کے لیے محفوظ راستہ دے رہے ہیں۔‘
’ہم ایئرپورٹ پر افغانوں، غیر ملکیوں اور طالبان کے درمیان کسی بھی قسم کے جسمانی اور لفظی تصادم کو روک رہے ہیں۔‘
تاہم اطلاعات موصول ہو رہی ہیں کہ طالبان سفری دستاویزات کے حامل افراد کو بھی کابل ایئرپورٹ تک پہنچنے نہیں دے رہے۔
19 اگست 2021افغانستان میں یومِ عاشور کی جھلکیاں
دنیا بھر کی طرح آج افغانستان میں بھی یومِ عاشور کے جلوس نکالے جا رہے ہیں اور عزاداری کی جا رہی ہے۔ مختلف شہروں میں نکالے جانے والے ان جلوسوں پر طالبان جنگجو پہرہ دیتے ہوئے نظر آ رہے ہیں۔
19 اگست 2021امریکی فوجی 11 ستمبر کے بعد بھی افغانستان میں موجود رہ سکتے ہیں: بائیڈن
امریکہ کے صدر جو بائیڈن نے کہا ہے کہ امریکی فوجی افغانستان سے انخلا کی ڈیڈ لائن گزر جانے کے بعد بھی افغانستان میں رہ سکتے ہیں۔
واضح رہے کہ طالبان جنگجو ملک چھوڑنے کے خواہشمند لوگوں کو کابل ایئرپورٹ پہنچنے سے روک رہے ہیں جبکہ 15 ہزار امریکی شہری اب بھی افغانستان میں موجود ہیں۔
صدر بائیڈن نے امریکی نشریاتی ادارے اے بی سی نیوز کو بتایا کہ کابل میں بحران یقینی ہے۔ غیر ملکی حکومتیں اپنے شہریوں اور اُن کے ساتھ کام کرنے والے افغان لوگوں کو وہاں سے نکال رہی ہیں۔
واشنگٹن نے بھی تمام امریکی شہریوں بشمول 50 سے 65 ہزار افغانوں کو ملک سے نکالنے کا اعلان کیا ہے۔ ان میں سے زیادہ تر افغان امریکی فوج کے ساتھ بطور مترجم کام کر رہے تھے۔
جب اے بی سی نیوز نے اُن سے پوچھا کہ کیا وہ افراتفری میں انخلا کے معاملے پر کوئی غلطی قبول کریں گے یا نہیں، تو اُنھوں نے کہا: ’نہیں۔‘ اُنھوں نے مزید کہا کہ ’مجھے نہیں معلوم کہ ایسا کون سا راستہ ہے کہ افراتفری کے بغیر انخلا ہو گیا ہوتا۔‘
جب اُن کی توجہ امریکی طیارے سے گرتے ہوئے افغانوں کی وائرل ہونے والی تصاویر کی جانب دلائی گئی تو وہ دفاعی انداز اختیار کرتے ہوئے بولے کہ وہ چار پانچ دن پرانی تصاویر ہیں۔
اُنھوں نے ایک مرتبہ پھر افغانستان پر طالبان کے سرعت کے ساتھ قبضے کی وجہ افغان حکومت اور افغان فوج کی ناکامی کو قرار دیا۔
صدر بائیڈن سے پوچھا گیا کہ گذشتہ ماہ تو اُنھوں نے کہا تھا کہ طالبان کی جانب سے ملک پر قبضے ’امکان انتہائی کم‘ ہے۔ تو اس پر اُنھوں نے کہا کہ انٹیلیجنس رپورٹس یہ تھیں کہ ایسی صورتحال پیدا ہونے کا زیادہ امکان سال کے آخر تک تھا۔
انٹرویور نے پوچھا کہ ’آپ نے ’انتہائی کم امکان‘ کہتے ہوئے وقت کا تعین تو نہیں کیا تھا۔ آپ نے تو صرف کہا تھا کہ ’طالبان کے غلبے کا امکان انتہائی کم ہے۔‘ اس پر صدر بائیڈن نے کہا: ’ہاں۔‘
19 اگست 2021افغانستان کی تازہ ترین صورتحال کا خلاصہ
شام بخیر۔ اگر آپ ہمارے لائیو پیج میں ابھی شامل ہوئے ہیں تو آپ کے لیے آج کی اہم خبروں کا خلاصہ یہ ہے:
- انڈیا نے کہا ہے کہ طالبان نے سرحد پار تجارت بند کر دی ہے جس کے لیے پاکستان کے زمینی راستے استعمال ہوتے ہیں، تاہم طالبان نے اس دعوے کی تردید کرتے ہوئے کہا ہے کہ اُنھوں نے کسی ملک کے ساتھ تجارت بند نہیں کی ہے۔
- امریکہ نے اپنے ملک میں موجود افغانستان کی قومی دولت کو منجمد کر دیا ہے جبکہ عالمی مالیاتی فنڈ (آئی ایم ایف) نے بھی کہا ہے کہ وہ افغانستان کو دی جانے والی امداد معطل کر رہے ہیں۔
- طالبان کی جانب سے بتایا گیا ہے کہ اتوار کے روز سے لے کر جمعرات تک کابل ایئرپورٹ اور اس کے اطراف میں اب تک 12 اموات ہوئی ہیں۔
- القاعدہ کی یمن میں کام کرنے والی شاخ نے طالبان کو افغانستان پر قبضہ کرنے کی مبارک باد دی ہے اور اس عزم کا اعادہ کیا ہے کہ وہ اپنی عسکری کارروائیاں جاری رکھیں گے۔
- افغانستان کی قومی مصالحت کی اعلیٰ کونسل کے سربراہ عبداللہ عبداللہ نے بدھ کی شب خلیل الرحمان حقانی سمیت طالبان کے وفد سے ملاقات کی۔ اس ملاقات میں سابق صدر حامد کرزئی اور دیگر اعلیٰ عہدے داران بھی موجود تھے۔
- عبداللہ عبداللہ کے مطابق اس ملاقات میں افغانستان کے عوام کے حوالے سے بات چیت کی گئی۔
- ترکی نے کہا ہے کہ افغانستان پر طالبان کے قبضے کے باوجود ترکی نہ صرف امریکی افواج کے مکمل انخلا کے بعد کابل ایئرپورٹ کا دفاع کرنے بلکہ طالبان رہنماؤں سے مذاکرات کے لیے تیار ہے۔
19 اگست 2021’افغان عملے کو باہر نکالنا ای یو کی اخلاقی ذمہ داری ہے‘
یورپی یونین کی خارجہ پالیسی کے سربراہ جوزپ بوریل نے کہا ہے کہ ای یو کے ساتھ کام کرنے والے پہلے 106 افغان افراد کو ملک سے باہر نکالا جا چکا ہے۔
تاہم، انھوں نے کہا کہ تین سو افغان مزید باقی ہیں جو ایئرپورٹ تک پہنچنے کی کوشش کر رہے ہیں اور انھیں ’کابل کی سڑکوں پر روکا گیا ہے۔‘
ایک ورچوئل سیشن سے خطاب کے دوران ان کا کہنا تھا کہ یہ ای یو کی ’اخلاقی ذمہ داری‘ ہے کہ وہ اس مشکل صورتحال میں ان افراد کو ملک سے نکالے۔

القاعدہ کا افغانستان میں وجود نہیں ہے اور ہمارا اس سے کوئی تعلق نہیں ہے: ترجمان طالبان

لائیو کوریج

20 اگست 2021برطانوی سیکرٹری دفاع: کابل سے کوئی طیارہ خالی نہیں آ رہا

20 اگست 2021کابل ائیرپورٹ پر فوجیوں کے حوالے کیے جانے والے بچے کی ڈرامائی تصویر کے پیچھے کہانی

20 اگست 2021لندن کی افغان نژاد کونسلر کی کابل سے بچ نکلنے کی داستان

20 اگست 2021بریکنگ, ’طالبان افغان حکومت، مغربی افواج کے ساتھ کام کرنے والوں کی تلاش میں گھر، گھر جا رہے ہیں‘

20 اگست 2021ٹرمپ کا ’شاندار معاہدہ‘ جس نے افغانستان کی قسمت کا فیصلہ کر دیا

20 اگست 2021کابل میں مسلسل فائرنگ کی گونج اور قندھار کے سوئمنگ پول میں ڈبکیاں لگاتے طالبان

19 اگست 2021نوجوان افغان فٹ بالر امریکی فوجی طیارے سے گر کر ہلاک ہو گئے

19 اگست 2021بائیڈن کا تین لاکھ افغان فوجی تیار کرنے کا دعویٰ کتنا درست ہے؟

19 اگست 2021ذبیح اللہ مجاہد: طالبان دوستانہ تعلقات چاہتے ہیں مگر مداخلت کے خلاف اٹھ کھڑے ہوں گے

19 اگست 2021عالمی برادری افغانستان پر دباؤ ڈالنے کے بجائے اس کی مدد کرے: چین

19 اگست 2021بریکنگ, طالبان: چین افغانستان کی ترقی میں حصہ لے سکتا ہے

19 اگست 2021روس: ’طالبان امن امان بحال کر رہے ہیں اور مذاکرات کے لیے آمادہ نظر آ رہے ہیں‘

19 اگست 2021’خواتین کے حقوق کا معاملہ فوجی طاقت سے حل نہیں ہو سکتا‘

19 اگست 2021پنجشیر میں طالبان مخالف مزاحمت جنم لے رہی ہے: روسی وزیرِ خارجہ

19 اگست 2021افغانستان میں طالبان کی فتح انڈیا اور علاقائی امن کا امتحان ہو گا

19 اگست 2021طالبان: ’غیر ملکیوں اور افغانوں کو محفوظ راستہ دے رہے ہیں‘

19 اگست 2021افغانستان میں یومِ عاشور کی جھلکیاں

19 اگست 2021امریکی فوجی 11 ستمبر کے بعد بھی افغانستان میں موجود رہ سکتے ہیں: بائیڈن

19 اگست 2021افغانستان کی تازہ ترین صورتحال کا خلاصہ

19 اگست 2021’افغان عملے کو باہر نکالنا ای یو کی اخلاقی ذمہ داری ہے‘