රුධිර පරීක්ෂණ සඳහා වැඩිපුර අයකිරීම් ඇතුළු විවිධ වැරදි සම්බන්ධයෙන් පෞද්ගලික රෝහල් 23කට දඩ

පූර්ණ රුධිර සංඛ්‍යාත පරීක්ෂාවක් (FBC) සඳහා රෝගයෙකුගෙන් අය කළ යුතු උපරිම මිල රුපියල් 400ක් බවට පාරිභෝගික කටයුතු පිළිබඳ අධිකාරිය පනවා ඇති නියමයන්ට එරෙහිව යමින් පූර්ණ රුධිර පරීක්ෂාවක් සඳහා රුපියල් 550ක මුදලක් නීතිවිරෝධී ලෙස අය කළ බවට අධිකරණය හමුවේ වරදකරු වූ පෞද්ගලික රෝහලකට යාපනය අතිරේක මහේස්ත්‍රාත් එම්.එන්.එන්. හුසේන් මුදලින් රුපියල් ලක්ෂ 30ක දඩයක් නියම කළේ ය.

​විත්තිකාර රෝහලට මෙලෙස මුදලින් රුපියල් ලක්ෂ 30ක දඩ මුදලක් නියම කළේ, අදාළ රෝහලට එරෙහිව අධිකරණය හමුවේ පැවති චෝදනාවට එම රෝහල වරද පිළිගැනීමෙන් අනතුරුව ය.

​මෙසේ දඩ නියම වූයේ, යාපනය පාලාලි පාර, කන්දර්මඩම් ප්‍රදේශයේ පිහිටි Venus Speciality Hospital (Private) LTD රෝහලට ය.

නියමිත මිලට වඩා රුපියල් 150ක මුදලක් ගත් බවට චෝදනා

මෙම වරද සඳහා අධිකරණය හමුවේ වරද පිළිගැනීමෙන් අනතුරුව රුපියල් ලක්ෂ තිහක දඩ මුදලක් අධිකරණය මගින් නියම කළ බව සඳහන් කරමින් සිංහල, දෙමළ, ඉංග්‍රීසි යන භාෂා ත්‍රිත්වයෙන් ම ජාතික පුවත්පත්වල දැන්වීම් පළකර අදාළ පුවත්පත් දැන්වීම් වාර්තා සතියක් ඇතුළත අධිකරණය හමුවට ඉදිරිපත් කරන ලෙසට ද අතිරේක මහේස්ත්‍රාත්වරයා විත්තිකාර රෝහලට තවදුරටත් නියෝග කළේ ය.

​පාරිභෝගික කටයුතු පිළිබඳ අධිකාරියේ උතුරු පළාත් කාර්යාලය මගින් කළ වැටලීමකදී මෙම විත්තිකාර රෝහල පූර්ණ රුධිර පරීක්ෂාවක් සඳහා අයකළ යුතු රුපියල් 400ක මුදල වෙනුවට, රුපියල් 550ක මුදලක් අය කරගෙන ඇති බව විමර්ශනවලදී අනාවරණය වී තිබේ.

එනම්, පූර්ණ රුධිර පරීක්ෂණයක් සඳහා පාරිභෝගික කටයුතු පිළිබඳ අධිකාරිය නියම කර ඇති නීතිමය මිල ඉක්මවා රුපියල් 150ක මුදලක් අදාළ රෝගියාගෙන් වැඩිපුර අය කරගෙන තිබිණි.

​පාරිභෝගික කටයුතු පිළිබඳ අධිකාරියේ උතුරු මැද පළාත් සහකාර අධ්‍යක්ෂ ඒ.එල්. ජවුෆර් සාදික්ගේ මෙහෙයවීම යටතේ එම කාර්යාලයේ විමර්ශන නිලධාරීන් මෙම වැටලීම සිදු කර තිබිණි.

​පැමිණිල්ල වෙනුවෙන් පාරිභෝගික කටයුතු පිළිබඳ අධිකාරියේ උතුරු මැද පළාත් සහකාර අධ්‍යක්ෂ ඒ.එල්. ජහුෆර් සාදික්ගේ උපදෙස් මත විමර්ශන නිලධාරී ටී. රජීවන් පෙනී සිටි අතර විත්තිකාර රෝහල වෙනුවෙන් නීතිඥ ජෝදිවෙල් ගොඩෙල් පෙනී සිටියේ ය.

උපාය දූතයෙක්

පාරිභෝගික කටයුතු පිළිබඳ අධිකාරියේ උතුරු මැද පළාත් කාර්යාලයේ විමර්ශන නිලධාරී ටී. රජීවන් රෝගී වෙසින් උපාය දූතයෙකු ලෙස ගොස් විත්තිකාර රෝහලෙන් පූර්ණ රුධිර පරීක්ෂණ වාර්තාවක් ලබා ගැනීම සඳහා යැයි පවසා රුපියල් 550ක මුදලක් ගෙවා රිසිට් පතක් ලබා ගැනීමෙන් අනතුරුව විත්තිකාර රෝහල නියමිත මිල ගණන් අභිබවා යමින් අධික මිල ගණන් අයකරන බව තහවුරු කරගෙන තිබිණි.

ඒ අනුව, මෙම නඩුව පවරා තිබුණේ, 2003 අංක 09 දරන පාරිභෝගික කටයුතු පිළිබඳ අධිකාරී පනතේ, 20(5) වැනි වගන්තිය උල්ලංඝණය කළ බවට චෝදනා කරමිනි.

විවිධ වැරදි සම්බන්ධයෙන් දඩ නියම කළ අනෙක් රෝහල් මෙන්න

ඊට අමතරව, කල් ඉකුත් වූ රසායනික ද්‍රව්‍ය හා ඖෂධ සම්බන්ධයෙන් පෞද්ගලික රෝහල් සහ රසායනාගාර 23කට එරෙහිව නඩු පවරා ඇති අතර, එම රෝහල්වලින් රු. මිලියන 5.7කට අධික දඩ මුදල් අය කර ගැනීමට අධිකරණය නියම කර ඇතැයි පාරිභෝගික කටයුතු පිළිබඳ අධිකාරිය පවසයි.

මෙම විශේෂ විමර්ශන හා වැටලීම්වලදී ප්‍රධාන වශයෙන් පහත සඳහන් වැරදි අනාවරණය වී තිබේ.

ඉහත සඳහන් වැරදි සම්බන්ධයෙන් වැරදිකරු වූ රෝහල් සහ රසායනාගාර ද එම දඩ මුදල් ද පහත දැක්වේ.