ગુજરાત

ભારત

વિદેશ

હવામાન સમાચાર

સ્પોર્ટ્સ

મૅગેઝિન

લોકપ્રિય

સમાચાર

જુઓ

લાઇવ ટીવી

વીડિયો

પૉડકાસ્ટ

ઑડિયો

Gujarati

વર્ષ 2023માં 100 જેટલી શાળામાં આ પ્રોજેક્ટ શરૂ થયો હતો. 2024માં તે વધીને 200 જેટલી શાળામાં શરૂ થયો, વર્ષ 2025માં 300 શાળા સુધી વિસ્તર્યો છે. 

વિદ્યાર્થીઓ તણાવમુક્ત અને સ્વસ્થ રહે તે માટે શરૂ કરવામાં આવેલો 'સારથિ પ્રોજેક્ટ' શું છે?

અમદાવાદ મ્યુનિસિપલ કૉર્પોરેશન દ્વારા દરેક ઝોનમાં (સાત ઝોન છે) એક આરઆરઆર સેન્ટર બનાવ્યું છે. આ આરઆરઆર સેન્ટર પર લોકો પોતાનાં જૂનાં કપડાં, ચપ્પલ, પુસ્તકો, રમકડાં કે અન્ય સુશોભનની વસ્તુઓ આપી જાય છે. જેમાંથી જે વસ્તુ વાપરી શકાય તેવી હોય તે જરૂરિયાતમંદ સુધી પહોંચાડવામાં આવે છે. 'માય થેલી' પ્રોજેક્ટ આરઆરઆર સેન્ટર પર જ શરૂ કરવામાં આવ્યો છે.


અમદાવાદનો 'માય થેલી' પ્રોજેક્ટ કેવી રીતે આપે છે પ્લાસ્ટીકથી દૂર જવાનો વિકલ્પ

બનાસકાંઠા જિલ્લાના આલવાડા ગામના વાળંદ દલિત સમાજના લોકોના વાળ નહોતા કાપી આપતા કે દાઢી બનાવી નહોતા આપતા. ગામના યુવાનોએ આ અંગે પોલીસમાં અરજી કરી હતી. ગામના સરપંચ તેમજ પોલીસ ઇન્સ્પેક્ટરે ગામમાં આ પ્રકારનો કોઈપણ પ્રકારનો ભેદભાવ થતો ન હોવાની વાત કરી હતી.
જો કે ગામમાં વાળંદની દુકાન ચલાવતા લોકોએ દલિત સમાજના વાળ કાપવામાં ન આવતા હોવાની વાતનો સ્વીકાર કર્યો હતો.

બનાસકાંઠાનું એ ગામ જ્યાંના વાળંદે પહેલીવાર દલિતોના વાળ કાપ્યા, શું છે સમગ્ર મામલો?

ગુજરાત હાઇકોર્ટે 15,047 ખેડૂતોને પાક વીમાનું વળતર ચૂકવવા માટે એસબીઆઈ જનરલ ઇન્સ્યૉરન્સ કંપનીને આદેશ કર્યો છે. આ ખેડૂતો છેલ્લાં સાત વર્ષથી વળતર મેળવવા માટે ગુજરાત હાઇકોર્ટમાં લડી રહ્યા હતા.


ગુજરાતના 15 હજારથી વધુ ખેડૂતોએ પાક વીમાનું વળતર મેળવવા માટે સાત વર્ષ સંઘર્ષ કેમ કરવો પડ્યો?

ચંદ્રિકા ચૌધરીની 24 જૂનના રોજ મોડી રાત્રે હત્યા કરવામાં આવી હતી. ચંદ્રિકાએ તેમના પ્રેમી હરેશ ચૌધરી સાથે મૈત્રીકરાર કર્યો હતો. ચંદ્રિકા પ્રેમી હરેશ સાથે ભાગી જશે તેવું માનીને તેમના કાકા અને પિતાએ તેમની હત્યા કરી હોવાનો આરોપ છે.

બનાસકાંઠા : પ્રેમી સાથે મૈત્રી કરાર કરનાર યુવતીની હત્યાનો આરોપ પિતા અને કાકા પર, સમગ્ર મામલો શું છે?

તાજેતરમાં ગુજરાતના મુખ્ય મંત્રીના કાર્યાલયે અમદાવાદ શહેરને 'દેશનું સૌથી સુરક્ષિત શહેર' જાહેર કરાયાની એક ઍક્સ પર પોસ્ટ કરી હતી. પોસ્ટમાં ન્યૂમબીયો નામક યુરોપિયન સંસ્થાએ જાહેર કરેલા રિપોર્ટને ટાંકીને આ દાવો કરાયો છે. મુખ્ય મંત્રીની આ પોસ્ટ પર યૂઝર્સનો મિશ્ર પ્રતિક્રિયાઓ જોવા મળી હતી.

ગુજરાત : અમદાવાદ ખરેખર દેશનું 'સૌથી સુરક્ષિત શહેર' છે, સુરક્ષા અંગે લોકો શું કહે છે?

ગુજરાત સહિત ભારતનાં વિવિધ રાજ્યોમાં શ્રદ્ધાળુઓ માટે ઉપવાસનો સમય ગણાતા શ્રાવણ મહિનામાં કોઈ માત્ર સોમવારનો ઉપવાસ કરે તો કોઈ આખો મહિનો ઉપવાસ રાખે છે. ડૉક્ટરોના મતે અઠવાડિયામાં એક દિવસ ભૂખ્યા રહેવું શરીર માટે લાભદાયક છે. પરંતુ ઉપવાસ હોય ત્યારે તળેલી અને ખાંડવાળી ફરાળી વાનગીઓ ખાતા રહેવાથી, તેની શરીર પર આડઅસર થવાની સંભાવનાઓ પણ છે.

ઉપવાસમાં ખવાતો તૈલી ફરાળી આહાર કિડની લીવરને કેવી રીતે ખરાબ કરી શકે

ડૉ. નાનીકરાજ મૂળ પાકિસ્તાનના હૈદરાબાદના વતની હતા. તેઓ વર્ષ 2009માં તેમનાં પત્ની અને બે બાળકો સાથે ભારત આવ્યાં હતાં. ચાર-ચાર વર્ષ થયાં હોવા છતાં તેમને ભારતીય નાગરિકતા મળી નથી. તેથી આખરે તેમણે ગુજરાત હાઇકોર્ટમાં અરજી દાખલ કરી છે.

પાકિસ્તાનથી ગુજરાત આવેલા હિંદુ ડૉક્ટર હવે કેમ કોઈ દેશના નાગરિક નથી રહ્યા, તેમનું ક્લિનિક કેમ બંધ કરાવી દેવાયું?

ગુજરાત સરકારે તાજેતરમાં એક પરિપત્ર બહાર પાડ્યો જેમાં નિવૃત્ત શિક્ષકોને માનદ વેતન આપીને શિક્ષક તરીકે રાખવાની વાત કરવામાં આવી હતી. તેના કારણે શિક્ષક બનવાની લાયકાત ધરાવતા યુવાન ઉમેદવારોમાં રોષ છે જેમણે જુદી જુદી પરીક્ષાઓ પાસ કરી છે, પરંતુ હજુ કાયમી નોકરી નથી મળી.

ગુજરાતઃ TET-TAT પાસ યુવાનો નોકરી માટે ટળવળે છે ત્યારે નિવૃત્ત શિક્ષકોની ભરતીનો વિવાદ કેમ થયો?

ગુજરાતની મહિલાને કરોડસ્તંભમાં ટાઇફૉઇડ થયો હતો. આ દુર્લભ રોગનો ભોગ તેઓ કેવી રીતે બન્યાં એ અંગે તેમણે બીબીસી ગુજરાતી સાથે વાતચીત કરી હતી.

ગુજરાતનાં મહિલાને 'ગંદા પાણી'ને કારણે વિશ્વમાં દુર્લભ ગણાતો કરોડરજ્જુનો રોગ થયો, કેવી રીતે થઈ સારવાર?

શનિવારે સવારે 10.30 વાગે એક યુવકે કચ્છના અંજાર પોલીસ સ્ટેશનમાં આવીને હાજર પોલીસકર્મીઓને જણાવ્યું કે 'મે અરુણાને મારી નાખી છે'. પોલીસે યુવકની વધુ પૂછપરછ કરીને માહિતી મેળવી ઘટનાસ્થળ પર પહોંચી હતી.

કચ્છના અંજારમાં લિવઇન રિલેશનમાં રહેતા પ્રેમીએ પ્રેમિકાની હત્યા કર્યાનો મામલો શું છે?

ગંભીરા બ્રિજ દુર્ઘટનાને 10 દિવસ થઈ ગયા છતાં તૂટેલા બ્રિજની વચ્ચે હજુ એક ટૅન્કર લટકેલું છે. ટૅન્કર લટકેલું હોવાને કારણે ટૅન્કર માલિકની કમાણી બંધ થઈ ગઈ છે. ટૅન્કર માલિકનું આ વિશે શું કહેવું છે અને સરકારી અધિકારીઓ આ ટૅન્કર કેમ નથી હઠાવી રહ્યા?

'કાં ટૅન્કરને કાઢો, કાં પાડો', ગંભીરા બ્રિજ દુર્ઘટનાના 10 દિવસ બાદ પણ જે ટૅન્કર અધ્ધર લટકેલું છે તેના માલિકની વ્યથા

બનાસકાંઠા જિલ્લાના સુઈગામ તાલુકાના ધનાણા અને લાખણી તાલુકાના ડોડિયા ગામના લોકોએ ભેગા મળીને જાતે દારૂબંધી માટેના નિયમો બનાવ્યા છે. ગુજરાતમાં આમ તો દારૂબંધી છે, પણ સમયાંતરે દારૂબંધી સામે સવાલો થતા રહે છે અને દારૂ અંગેના વિધાનસભામાં રજૂ કરાતા આંકડા પણ ચર્ચાનો વિષય બને છે.

ગુજરાત : 'દારૂ પીતાં પકડાશે તો બે લાખનો દંડ', દારૂબંધી છતાં ગામલોકોએ જાતે કેમ નિયમો બનાવવા પડ્યા?

બુધવારે વડોદરામાં ગંભીરા ગામ નજીક મહી નદી પરનો પુલ તૂટી પડતાં કેટલાંય વાહનો અને તેમાં સવાર લોકો નદીમાં ખાબક્યાં હતાં. ગંભીરા બ્રિજ તૂટી પડ્યા બાદ હાટકેશ્વર બ્રિજ ચર્ચામાં આવ્યો છે. 
આસપાસના લોકોનું કહેવું છે કે બ્રિજ પડી જશે અને લોકો દટાઈ જશે બાદમાં શુ સરકાર જાગશે?

અમદાવાદ : 50 વર્ષની અવધિ માટે બનાવેલો બ્રિજ પાંચ વર્ષમાં જ ખખડી ગયો, બંધ પડેલો બ્રિજ તોડવામાં વર્ષો કેમ લાગી રહ્યાં છે

51 વર્ષનાં નેહલબહેન અને 60 વર્ષનાં તેમના પતિ શૈલેશભાઈ પરમારનું આ વિમાન અકસ્માતમાં મૃત્યુ થયું હતું. આ દંપતી મૂળ જામનગરનું હતું પરંતુ છેલ્લાં 20 વર્ષથી લંડન ખાતે રહેતું હતું. આ દંપતીના એકના એક પુત્રનું પણ પ્લેન ક્રૅશમાં જ મોત થયું હતું.

વિમાન દુર્ઘટના : પુત્રનું લંડનમાં પ્લેન ક્રૅશમાં મોત અને માતાપિતાનું અમદાવાદમાં મોત, પરિવાર પર શી વીતી હશે?

પશુપાલકોએ તેમની ગાય કે ભેંસ ગર્ભવતી (ગાભણી) છે કે નહીં તે તપાસ કરવા માટે હવે 90 દિવસની રાહ જોવી પડશે નહીં. ગાય કેં ભેંસ ગાભણી છે કે નહીં તે પુષ્ટિ કરતી એક પ્રેગનન્સી કીટ વિકસાવાઈ છે. આ કીટની મદદથી ગાય કે ભેંસના પ્રજનન કે કૃત્રિમ બીજદાનના 28 દિવસ બાદ જ ગર્ભ છે કે નહીં તેના ખબર પડી જશે.

ગુજરાત : ગાય કે ભેંસને ગર્ભ છે કે નહીં એ તપાસ કરતી કીટ કેટલી અસરકારક, નિષ્ણાતો શું કહે છે?

રવિનાબહેન ક્રિશ્ચિયનના 30 વર્ષીય દીકરા લૉરેન્સનું ગત 12 જૂને અમદાવાદ પ્લેન ક્રૅશમાં મૃત્યુ થયું હતું. અમદાવાદ ઍરપૉર્ટથી 230 મુસાફરો અને 12 ક્રૂ-મેમ્બર સાથે ઍર ઇન્ડિયાનું લંડન જવા નીકળેલું બૉઇંગ 787 ડ્રીમલાઇનર વિમાન બીજે મેડિકલ કૉલેજની હૉસ્ટેલ પર ક્રૅશ થયું હતું.

'એ કહેતો કે મમ્મી 40 લાખનું દેવું ભરી દઈશ', 15 જ દિવસમાં પિતા અને પુત્રને ગુમાવનાર પરિવારની કહાણી

ગત 12 જૂને લગભગ 270 લોકોનાં મૃત્યુનું નિમિત્ત બનનાર અમદાવાદ ખાતે પ્લેન ક્રૅશની ઘટના સમયે ડૉ. ધર્મેન્દ્ર પટેલ બીજે મેડિકલ કૉલેજ ખાતે હાજર હતા. વિમાન બીજે મેડિકલમાં અભ્યાસ કરતા વિદ્યાર્થીઓની હૉસ્ટેલ પર પડ્યું હતું. આ વિમાન દુર્ઘટનાને એક મહિનો થઈ રહ્યો છે, ત્યારે એ દિવસ હૉસ્પિટલમાં કેવી સ્થિતિ હતી એ જાણીએ ડૉક્ટરો પાસેથી.

અમદાવાદ પ્લેન ક્રૅશ : 'દર અડધી મિનિટે મૃતદેહ આવતો', સતત 15 કલાક પોસ્ટમૉર્ટમ કરનાર ડૉક્ટરોએ શું કહ્યું?

સામાન્ય તાવ ક્યારેક ગંભીર બીમારીનું લક્ષણ પણ હોઈ શકે છે. ચોમાસામાં જ મોટે ભાગે દેખાતી લૅપ્ટોસ્પાયરોસિસની બીમારીની શરૂઆત પણ તાવ આવવાથી થતી હોય છે. દક્ષિણ ગુજરાતમાં આ બીમારી જોવા મળે છે. આ બીમારી લૅપ્ટોસ્પાયરા નામના બૅક્ટેરિયાથી ફેલાય છે. 


લૅપ્ટોસ્પાયરોસિસ : પ્રાણીઓના પેશાબના સંપર્કમાં આવતા ફેલાતી આ બીમારીનાં લક્ષણો કેવાં હોય છે, તેનાથી કેવી રીતે બચી શકાય?

પાટણ જિલ્લાના સાંતલપુર તાલુકાના ફુલપુરા ગામમાં ગ્રામપંચાયતની ચૂંટણીમાં કોમી એકતાનું પ્રતીક જોવા મળ્યું. હિંદુ બહુમતી ધરાવતા ગામમાં મુસ્લિમ મહિલા શરીફાબહેન મલિકને સરપંચ જાહેર કરાતાં ગામના લોકોમાં કોમી એખલાસ જોવા મળ્યો હતો.

ગુજરાત ગ્રામપંચાયત ચૂંટણી : પાટણનું હિંદુ બહુમતી ધરાવતું એ ગામ જ્યાં મુસ્લિમ મહિલાને  સરપંચ બનાવાયાં

જ્યારે મૃતદેહ ખૂબ જ દાઝી ગયા હોય, તેમનો ચહેરો ઓળખી શકાય તેમ ન હોય, જમીનમાં દાટી દેવાયેલા મૃતદેહને લાંબા સમય પછી બહાર કાઢવામાં આવે અને તેની ઓળખવિધિ થઈ શકે તેમ ન હોય, તેવા સંજોગોમાં ડીએનએ પરીક્ષણ હાથ ધરવામાં આવે છે, જેથી કરીને મૃતકની ઓળખ પ્રસ્થાપિત કરી શકાય.

અમદાવાદ પ્લેન ક્રૅશ: મોટી દુર્ઘટનાઓમાં નાનાં બાળકોનાં ડીએનએ સૅમ્પલ કેવી રીતે લેવાય છે અને તેમાં કેવી મુશ્કેલીઓ પડે છે?

ગ્રામપંચાયતોમાં સરપંચ એ વહીવટી વડા હોય છે. ગુજરાત પંચાયત અધિનિયમ 1993 હેઠળ સરપંચને કેટલાંક અધિકારો તેમજ જવાબદારીઓ અંગે જોગવાઈ કરવામાં આવી છે. ગ્રામપંચાયતમાં સરપંચના મંત્રી એ તલાટી હોય છે. ગામમાં અલગઅલગ વેરાઓ ઉઘરાવવા કે પછી ગ્રામપંચાયતના આવક ખર્ચના હિસાબો રાખવાની જવાબદારી તલાટી કમ મંત્રીની હોય છે.

ગુજરાત ગ્રામપંચાયત ચૂંટણી: ગામમાં તલાટીએ કયાં કામો કરવાનાં હોય છે? તલાટીની સત્તાઓ કઈ છે?  

અમદાવાદમાં 12 જૂને 230 મુસાફરો અને 12 ક્રૂ મેમ્બર સાથે ઍર ઇન્ડિયાનું લંડન જવા નીકળેલું બૉઇંગ 787 ડ્રીમલાઇનર વિમાન બીજે મેડિકલ કૉલેજની હૉસ્ટેલ પર ક્રૅશ થયું. આ દુર્ઘટનામાં 241 લોકોનાં મોત થયાં હતા. ઇમરજન્સી સેવાઓમાં સુપરવાઇઝર તરીકે કામ કરનારા સંધુનો દાવો છે કે તેઓ વિમાન ક્રૅશ થયું તેની થોડી મિનિટોમાં 1:40 વાગ્યે ઘટનાસ્થળે પહોંચી ગયા હતા.

અમદાવાદ પ્લેન ક્રૅશ : દુર્ઘટનાના સ્થળે ત્રણ મિનિટમાં પહોંચી જવાનો દાવો કરનાર સતિન્દરસિંહ સંધુએ ત્યાં શું જોયું?

અમદાવાદમાં ક્રૅશ થયેલું વિમાન બીજે મેડિકલ કૉલેજની હૉસ્ટેલ પર પડ્યું હતું. બીજે મેડિકલ કૉલેજનાં ડીન દ્વારા આપવામાં આવેલી માહિતી અનુસાર આ દુર્ઘટનમાં એમબીબીએસના પ્રથમ વર્ષમાં અભ્યાસ કરતા બે અને બીજા વર્ષમાં અભ્યાસ કરતાં બે વિદ્યાર્થીઓનાં મોત થયાં છે. તેમજ બે વિદ્યાર્થીઓ લાપતા છે. 13 જેટલા વિદ્યાર્થીઓને ઈજાઓ થઈ હતી.

અમદાવાદ : પ્લેન જ્યારે મેડિકલ કૉલેજની હૉસ્ટેલ સાથે અથડાયું ત્યારે વિદ્યાર્થીઓએ શું જોયું?

લક્ષ્મી પટેલ  12.5 વર્ષનો પ્રિન્ટ, ઇલેક્ટ્રોનિક તેમજ ડિજિટલ મીડિયામાં કામ કરવાનો અનુભવ ધરાવે છે.. ક્રાઇમ, કોર્ટ, રાજકારણ, સિવિક ઇસ્યુ, ગ્રાઉન્ડ રિપોર્ટિંગ, હ્યુમન ઇન્ટરેસ્ટ સ્ટોરી, મહિલાના મુદ્દાઓ જેવા અલગ અલગ વિષયો પર પત્રકારત્વનો અનુભવ છે.