Мирзиёев "мудраб ётган" депутат ва сенаторларни танқид қилди

Президент Шавкат Мирзиёев мамлакатда демократия қарор топмаганини эътироф этган.

Видеони You Tube каналимизда томоша қилинг.

Бу ҳақда у 12 июль куни Олий Мажлис палаталарининг қўшма мажлисида қилган нутқида гапирган.

Мирзиёевга кўра, демократия ҳали парламентнинг ўзида ҳам мавжуд эмас.

Президент Мирзиёев суд тизимини қаттиқ танқид қилди

Мирзиёев 11 йиллик таълимга қайтишни таклиф қилди

Мирзиёев ҳақида қўшиқ куйлаш тақиқланди

"Демократия қаердан бошланади - парламентдан бошланади. "Парламент - демократия мактаби", деймиз. Шундай экан, миллий парламентимиз ҳақиқий демократия мактабига айланиши керак. Бу борада сиз, ҳурматли депутат ва сенаторлар барчага намуна бўлишингиз зарур. Чинакам баҳс-мунозара, принципиал тортишувлар аввало шу ерда - парламент минбарида бўлиши керак. Шундагина ҳар бир сиёсий партия, парламентдаги ҳар бир партия фракциясининг ҳақиқий қиёфаси ва позицияси аниқ намоён бўлади", - деб айтган Президент.

У мавжуд сиёсий партияларни "мудраб ётгани" учун танқид қилган.

Президентга кўра, депутат ва сенаторлар ижтимоий тармоқларда ўз саҳифаларига эга бўлиши керак.

Мирзиёев парламент мажлисларини телевидение орқали тўғридан-тўғри олиб кўрсатишга ҳам буйруқ берган.

У сиёсий партиялар раҳбарларининг Президент билан учрашувини ҳам йўлга қўйишни таклиф қилган.

Айни пайтда сиёсий мухолифат фаолиятига рухсат бериладими, йўқми, қоронғу қолмоқда.

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз:+44 78-58-86-00-02