آسٹریلیا کی افغانستان کے ساتھ بین الاقوامی کرکٹ نہ کھیلنے کی تنبیہ

لائیو کوریج

1. 7 ستمبر 2021طالبان کی نئی کابینہ میں کون کون شامل ہیں؟

   • ملا محمد حسن اخوند، وزیرِ اعظم
   • ملا عبدالغنی برادر، نائب وزیرِ اعظم
   • مولوی عبدالسلام حنفی، نائب وزیرِ اعظم
   • مولوی محمد یعقوب مجاہد، دفاع
   • ملّا سراج الدین حقانی، داخلہ
   • امیر خان متقی، خارجہ
   • ملّا ہدایت اللہ بدری، مالیات
   • ملّا خیراللہ خیر خواہ، اطلاعات و ثقافت
   • ملّا عبداللطیف منصور، پانی و بجلی
   • عبدالباقی حقانی، تعلیم
   • نجیب اللہ حقانی، برقی مواصلات
   • خلیل الرحمان حقانی، پناہ گزین افراد
   • عبدالحق وثیق، انٹیلیجنس
   • حاجی ادریس، سربراہ افغانستان بینک
   • قاری دین محمد حنیف، اقتصادیات
   • مولوی عبدالحاکم شریعہ، وزیرِ انصاف
   • نوراللہ نوری، سرحد و قبائل
   • یونس اخوندزادہ، دیہی ترقی
   • ملّا عبدالمنّان عمری، عوامی بہبود
   • ملّا محمد عیسیٰ اخوند، کان کنی
   • فصیح الدین، چیف آف سٹاف
   • شیر محمد عباس ستانکزئی، نائب وزیرِ خارجہ اُمور
   • مولوی نور جلال، نائب وزیرِ خارجہ
   • ذبیح اللہ مجاہد، نائب وزیرِ اطلاعات و ثقافت
   • ملّا تاج میر جواد، نائب سربراہ اوّل برائے انٹیلیجنس
   • ملّا رحمت اللہ نجیب، نائب سربراہ انٹیلیجنس
   • ملّا عبدالحق، نائب وزیرِ داخلہ برائے انسدادِ منشیات

   کایبنہ کی مکمل فہرست ساتھ منسلک تصاویر میں موجود ہے تاہم طالبان کا کہنا ہے کہ یہ ایک عبوری سیٹ اپ ہے جسے فی الوقت ملکی معاملات چلانے کے لیے قائم کیا گیا ہے۔

   کابل میں طالبان کی نئی کابینہ کے اعلان کے موقع پر ہمارے نمائندے سکندر کرمانی اور ملک مدثر میڈیا سینٹر میں موجود تھے جن کی بدولت تازہ ترین اطلاعات آپ تک پہنچ سکیں۔

2. 7 ستمبر 2021طالبان کی نئی کابینہ: نہ کوئی خاتون وزیر، نہ اُمورِ خواتین کی وزارت

   طالبان نے نئی حکومت کا اعلان کر دیا ہے مگر اس میں اُمورِ خواتین کی وزارت ہی شامل نہیں ہے۔ اس کے علاوہ کابینہ میں بھی کسی خاتون وزیر کو شامل نہیں کیا گیا ہے تاہم طالبان کا کہنا ہے کہ یہ کابینہ ابھی حتمی نہیں ہے۔

   جب نمائندہ بی بی سی سکندر کرمانی نے کسی خاتون کی عدم موجودگی کی نشاندہی کرتے ہوئے میڈیا سینٹر میں موجود طالبان رہنما احمداللہ واثق سے سوال کیا کہ اس سے کیا پیغام جاتا ہے، تو اُنھوں نے کہا کہ کابینہ کے ناموں کے اعلانات ابھی حتمی نہیں ہیں۔

   اُنھوں نے مزید کہا کہ افغانستان اب باقاعدہ طور پر ’امارتِ اسلامی افغانستان‘ ہے۔

3. 7 ستمبر 2021بریکنگ, ’وزارتوں کی تقسیم قومیت کی بنا پر نہیں ہوئی‘

   ہم نے کابینہ کی وزارتوں کی تقسیم قوم پرستی کی بنا پر نہیں کی بلکہ اُن کے کام کو دیکھتے ہوئے کی ہے۔

   دنیا کے تمام ممالک سے اچھے تعلقات کے خواہاں ہیں، امریکہ کے ساتھ بھی جس نے ہمارے ساتھ جنگ کی۔

   ہم اپنے ہمسایہ ملک کے ساتھ امن کی فضا رکھنا چاہتے ہیں۔

   ذبیح اللہ مجاہد نے کہا کہ بیرونی دنیا کے لوگوں کو یہاں کے نظام میں مداخلت کی اجازت نہیں دیں گے۔

   ’باہر کے لوگوں کا کوئی لینا دینا نہیں کہ افغانستان میں سسٹم کیسا ہوگا۔ کسی کو ہمارے ملک کے داخلی اُمور میں مداخلت کی اجازت نہیں دیں گے۔‘

4. 7 ستمبر 2021’پاکستانی حمایت کا الزام پروپیگنڈا ہے، رد کرتے ہیں‘

   افغانستان کے معاملات میں پاکستان کی مبینہ مداخلت کے الزام اور طالبان کو مبینہ پاکستانی حمایت کے بارے میں اُنھوں نے کہا کہ یہ ایک پروپیگنڈا ہے اور وہ اسے رد کرتے ہیں۔

   اُنھوں نے کہا کہ پاکستان سے ہمارا کوئی لینا دینا نہیں ہے، ہمیں کسی ملک سے کسی قسم کی امداد نہیں مل رہی۔

   اُنھوں نے کہا کہ اس بات کو ثابت نہیں کیا جا سکتا کہ پاکستان ہماری مدد کر رہا ہے۔ ’ہم لوگوں نے 20 سال اس ملک کی آزادی کے لیے جنگ کی ہے۔‘

5. 7 ستمبر 2021’پنجشیر میں لوگ کہہ رہے ہیں کہ جنگ ہو رہی ہے مگر وہاں امن ہے‘

   ابھی بہت سی وزارتیں خالی ہیں، بہت سے سیکریٹریز رہتے ہیں، ہم اس پر کام کر رہے ہیں اور کوشش کریں گے کہ جلد از جلد انتظام کیا جا سکے۔

   ذبیح اللہ مجاہد نے کہا کہ جو مظاہرے ہو رہے ہیں ان کی کوئی قانونی حیثیت نہیں ہے۔

   پنجشیر کے بارے میں بات کرتے ہوئے اُنھوں نے کہا کہ لوگ کہہ رہے ہیں کہ پنجشیر میں جنگ ہو رہی ہے تاہم وہاں امن ہے۔

   اُنھوں نے کہا کہ پنجشیر کے رہنما ملک سے باہر جا چکے ہیں۔

6. 7 ستمبر 2021’یہ کابینہ جز وقتی سیٹ اپ ہے، مکمل حکومت بعد میں بنائی جائے گی‘

   ذبیح اللہ مجاہد نے کہا یہ ایک جز وقتی ہے اور مزید منصوبہ بندی کر کے مکمل حکومت بنانے کی کوشش کی جائے گی۔

   طالبان کی نئی کابینہ کے سربراہ ملّا محمد حسن اخوند ہوں گے جن کے نائبین میں ملّا عبدالغنی برادر اور مولوی عبدالسلام حنفی شامل ہوں گے۔

   اُنھوں نے کہا کہ وقتی طور پر حکومتی معاملات چلانے کے لیے سیٹ اپ بنایا گیا ہے۔

   اُن کا کہنا تھا کہ فی الوقت شوریٰ اس کے معاملات دیکھے گی اور پھر بعد میں دیکھا جائے گا کہ لوگوں کی اس حکومت میں شرکت و شمولیت کس انداز میں ہو گی۔

7. 7 ستمبر 2021مظاہرین کے پیچھے موجود لوگ ملک سے باہر ہیں: ذبیح اللہ مجاہد

   اب صحافیوں کے ساتھ سوال و جواب کا سلسلہ شروع ہو چکا ہے۔

   مظاہروں میں صحافیوں کے ساتھ ہونے والی بدتمیزی کے واقعات بارے میں ذبیح اللہ مجاہد نے کہا کہ ابھی تک بحرانی حالات ہیں اور لوگ اس لیے احتیاط کریں۔

   اُنھوں نے کہا کہ ابھی جو مظاہرے ہو رہے ہیں جہاں سے مظاہرین کا دل کرتا ہے وہاں سے شروع کرتے ہیں اور جہاں دل چاہتا ہے ختم کرتے ہیں۔

   طالبان ترجمان نے کہا کہ مظاہرین کے پیچھے موجود لوگ ملک سے باہر ہیں اور وہ چاہتے ہیں کہ بحرانی کیفیت رہے۔

   ہمارے پاس ابھی تک نظام نہیں ہے اور قانون کی کوئی تعریف نہیں ہے اس لیے ہم لوگوں سے کہتے ہیں کہ وہ مظاہرے کرنے سے گریز کریں۔

8. 7 ستمبر 2021نئی کابینہ میں کون کون شامل ہے؟

   طالبان نے مندرجہ ذیل وزارتوں کا اعلان کیا ہے:

   • مولوی محمد یعقوب: وزیر دفاع
   • سراج الدین حقانی: قائم مقام وزیر داخلہ
   • مولوی عبدالحاکم شریعہ: قائم مقام وزیرِ انصاف
   • خلیل الرحمان حقانی: وزیر برائے پناہ گزین افراد
   • ملّا عبدالغنی برادر اخوند ملّا محمد حسن اخوند کے نائب ہوں گے۔

9. 7 ستمبر 2021طالبان نے نئی کابینہ کے ناموں کا اعلان کر دیا

   کابل سے تازہ خبر یہ ہے کہ طالبان ترجمان ذبیح اللہ مجاہد کی پریس کانفرنس شروع ہو چکی ہے۔

   اپنی پریس کانفرنس کی ابتدا میں اُنھوں نے کہا کہ دشمن جا چکا ہے، جنگ ختم ہو چکی ہے اور اسلامی امارت بنانے کے لیے میدان صاف ہو چکا ہے۔

   اس وقت وہ طالبان کابینہ میں مختلف عہدوں پر نامزد افراد کے ناموں کا اعلان کر رہے ہیں۔

   خود اُنھیں وزارت اطلاعات کا قلمدان سونپا گیا ہے۔

10. 7 ستمبر 2021تین ہفتے گزرنے کے باوجود طالبان حکومت کیوں نہیں بنا سکے؟

11. 7 ستمبر 2021طالبان ترجمان ذبیح اللہ مجاہد کی پریس کانفرنس جلد متوقع

    افغانستان میں طالبان کے ترجمان ذبیح اللہ مجاہد اب سے کچھ دیر میں پریس کانفرنس کرنے والے ہیں جس میں اہم اعلانات متوقع ہیں۔

    کابل میں ہمارے نمائندے ملک مدثر اس وقت میڈیا سینٹر میں موجود ہیں اور ہم اُن کے ذریعے آپ کو پریس کانفرنس کی تفصیلات سے آگاہ رکھیں گے۔

12. 7 ستمبر 2021طالبان کی کابل میں مظاہروں کو منتشر کرنے کے لیے ہوائی فائرنگ کی اطلاعات

    منگل کو کابل کے مختلف حصوں میں ہونے والے طالبان مخالف مظاہروں کو منتشر کرنے کے لیے طالبان کی جانب سے ہوائی فائرنگ کیے جانے کی اطلاعات ہیں۔ اے ایف پی کے مطابق کابل میں تین مختلف جگہوں پر مظاہرے کیے گئے۔

    ان میں سے ایک مظاہرے میں سارہ فہیم نامی احتجاجی خاتون نے اے ایف پی سے کہا: ’افغان خواتین اپنے ملک کو آزاد دیکھنا چاہتی ہیں۔ وہ اپنے ملک کی تعمیرِ نو چاہتی ہیں۔‘

    یہ مظاہرہ کابل میں پاکستانی سفارت خانے کے باہر کیا گیا تھا۔

    اُنھوں نے کہا کہ ’ہم اپنے لوگوں کے لیے نارمل زندگیاں چاہتے ہیں۔ آخر ہم کب تک اسی صورتحال میں رہیں گے؟‘

    کابل میں طالبان کے سکیورٹی انچارج جنرل مبین نے اے ایف پی کو بتایا کہ اُنھیں موقع پر موجود طالبان سپاہیوں نے بتایا تھا کہ ’خواتین یہاں مشکلات پیدا کر رہی ہیں۔‘

    جنرل مبین نے دعویٰ کیا کہ ’یہ مظاہرین یہاں صرف غیر ملکی انٹیلیجنس کی سازشوں کی بنیاد پر جمع ہوئے ہیں۔‘

    مظاہرے کی کوریج کرنے والے ایک افغان صحافی نے اے ایف پی کو بتایا کہ طالبان نے اُن کا پریس کارڈ اور کیمرا ضبط کر لیا اور اُنھیں لات مار کر وہاں سے چلے جانے کو کہا۔

13. 7 ستمبر 2021افغانستان کے دیہات:طالبان کا قبضہ، کچھ لوگوں کے نزدیک لڑائی کا خاتمہ ہے

14. 7 ستمبر 2021کابل میں نئی حکومت کے اعلان کی تیاریاں، دارالحکومت کی دیواروں پر ’فن پاروں کی جگہ نعروں‘ نے لے لی

    ماضی میں کابل کی دیواریں مختلف فن پاروں سے سجی ہوتی تھیں، لیکن ان دنوں ان دیواروں پر نئے نعرے دیکھے جا رہے ہیں۔

    کچھ جگہوں پر امارات اسلامی کا سفید و سیاہ پرچم اور کچھ پر طالبان رہنماؤں کے پیغامات لکھے گئے ہیں۔

    طلوع نیوز کے مطابق طالبان کلچرل کمیشن کا کہنا ہے کہ وہ نئی حکومت کے اعلان کے لیے شہر کو نئے نعروں سے سجا رہے ہیں۔

    طالبان کے ثقافتی کمیشن کے نائب سربراہ احمد اللہ واثق نے طلوع نیوز کو بتایا کہ ’نئی حکومت کے اعلان کی تیاری کے لیے شہر میں کچھ نعرے اور پلے کارڈز لگائے جائیں گے۔‘

    نئی حکومت کا اعلان کب کیا جائے گا، یہ تو ابھی تک واضح نہیں مگر طالبان کے مطابق نئی حکومت کے اعلان کی تقریب میں غیر ملکی مہمانوں کو بھی شرکت کی دعوت دی گئی ہے۔

    واثق نے بتایا ’کچھ اہم ممالک کے نمائندے، عہدیدار اور سفارتکار بھی اس تقریب میں شرکت کریں گے۔‘

15. 7 ستمبر 2021امریکی بلیک ہاک ہیلی کاپٹر طالبان کے حوالے کرنے والے پائلٹ کا شاندار استقبال اور انعامات کی برسات

    آپ کو افغان پائلٹ، ادریس مہمند تو یاد ہوں گے جن کی تصویر چند دن قبل سوشل میڈیا پر وائرل تھیں؟

    ادریس مہمند امریکی بلیک ہاک ہیلی کاپٹر اڑا کر کابل سے اپنے شہر کنڑ لے گئے تھے اور پھر انھوں نے یہ ہیلی کاپٹر افغان طالبان کے حکام کے حوالے کر دیا تھا۔

    اب طالبان سوشل میڈیا سے ایسی ویڈیوز شئیر کی جا رہی ہیں جن میں کئی طالبان اراکین ادریس کو ہار پہنا کر گلے لگا رہے ہیں۔

    ان اکاؤنٹس کے مطابق ’امارت اسلامی کے حکام نے بلیک ہاک طیارہ محفوظ مقام پر لے جانے کے بعد واپس لانے پر پائلٹ ادریس مہمند کا استقبال کیا اور ملکی املاک کی حفاظت پر ادریس مہمند کو انعامات سے نوازا۔‘

16. 7 ستمبر 2021افغانستان کے جغرافیے میں چھپا وہ راز جو اسے ’سلطنتوں کا قبرستان‘ بناتا ہے

    19 ویں صدی میں برطانوی سلطنت، جو اس وقت دنیا کی سب سے طاقتور سلطنت تھی، اس نے اپنی پوری طاقت سے اسے فتح کرنے کی کوشش کی۔ لیکن سنہ 1919 میں برطانیہ کو بالآخر افغانستان چھوڑ کر جانا پڑا اور افغانوں کو آزادی دینی پڑی۔

    اس کے بعد سوویت یونین نے سنہ 1979 میں افغانستان پر حملہ کیا۔ اس کا ارادہ یہ تھا کہ سنہ 1978 میں بغاوت کے ذریعے قائم کی گئی کمیونسٹ حکومت کو گرنے سے بچایا جائے۔ لیکن انھیں یہ سمجھنے میں دس سال لگے کہ وہ یہ جنگ نہیں جیت پائیں گے۔

    برطانوی سلطنت اور سوویت یونین کے درمیان ایک قدر مشترک ہے۔ جب دونوں سلطنتوں نے افغانستان پر حملہ کیا تو وہ اپنی طاقت کے عروج پر تھے۔ لیکن اس حملے کے ساتھ آہستہ آہستہ دونوں سلطنتیں ٹوٹ پھوٹ کا شکار ہونے لگیں۔

    سنہ 2001 میں امریکی قیادت میں افغانستان پر حملہ ہوا اور کئی سالوں تک جاری رہنے والی جنگ میں لاکھوں افراد ہلاک ہوئے۔ اس حملے کے 20 سال بعد امریکی صدر جو بائیڈن نے افغانستان سے اپنی فوج کو واپس بلانے کا فیصلہ کیا ہے۔

    یہ ایک متنازعہ فیصلہ تھا جس پر پوری دنیا میں شدید تنقید کی گئی۔ اس ایک فیصلے کی وجہ سے طالبان نے افغان دارالحکومت کابل پر انتہائی تیزی سے قبضہ کر لیا ہے۔

    بائیڈن نے اپنے فیصلے کا دفاع کرتے ہوئے کہا کہ امریکی شہریوں کو 'ایسی جنگ میں نہیں مرنا چاہیے جسے افغان خود لڑنے کے لیے تیار نہ ہوں۔'

    بائیڈن نے افغانستان کی 'سلطنتوں کے قبرستان' کے طور شہرت کو یاد کرتے ہوئے کہا: ' چاہے کتنی ہی فوجی قوت کیوں نہ لگا لیں ایک مستحکم، متحد اور محفوظ افغانستان کا حصول ممکن نہیں ہے۔'

    افغانستان میں آخر ایسی کیا بات ہے کہ اسے پوری دنیا 'سلطنتوں کے قبرستان' کے نام سے جانتی ہے؟ آخر امریکہ، برطانیہ، سوویت یونین سمیت دنیا کی تمام بڑی طاقتیں اسے جیتنے کی کوشش میں کیوں ناکام ہوئیں؟

    یہ ایک ایسا سوال ہے جس کا جواب افغانستان کی تاریخ اور اس کے جغرافیائی محل و وقوع میں پوشیدہ ہے۔

17. 7 ستمبر 2021جب ویڈیو گیم میں لڑائی کو افغانستان میں پاکستانی فوج کی کارروائی قرار دیا گیا

18. 7 ستمبر 2021طالبان کے زیرِ کنٹرول ہرات میں زندگی اب کیسی ہے؟

    ہرات آبادی کے لحاظ سے افغانستان کا تیسرا بڑا شہر ہے۔ بی بی سی نے ہرات کے شہریوں سے پوچھا کہ طالبان کے زیرِ کنٹرول اس شہر میں اب زندگی کیسی ہے؟

19. 7 ستمبر 2021کابل کی دیواروں پر مٹتی تصاویر اور نوجوانوں کے ’ٹوٹتے خواب‘

    سنہ 1990 کی دہائی میں جب افغانستان میں طالبان کی پہلی حکومت بنی تھی تو فن کو ’تخریب کاری‘ قرار دیا گیا تھا، سوائے مذہبی نغموں کے، موسیقی پر پابندی لگا دی گئی تھی۔ کتابیں اور ثقافتی نوادرات، بامیان کے کھڑے بدھوں کی طرح، تباہ کردیے گئے تھے۔ اور ہر قسم کے فنکارانہ اظہار پر پابندی عائد کردی گئی تھی۔

    پچھلے مہینے طالبان کے اقتدار میں دوبارہ سے آنے کے بعد سے تاریخ اپنے آپ کو دہراتی دکھائی دے رہی ہے۔

    براہ راست موسیقی کے پروگرام پیش کرنے کو ایک بار پھر غیر قانونی قرار دے دیا گیا ہے، اور انہی طالبان نے میورلز کے آرٹ کو جو کبھی کابل کی سڑکوں پر افغان زندگی کی بہترین عکاسی کرتے تھے، ان کے بارے حکم دیا ہے کہ اُنھیں وائٹ واش کر دیا جائے۔

    یہ اقدامات ایک جھلک پیش کرتے ہیں کہ نیا افغانستان کیسا ہو گا۔ اور ان حالات سے فنکار پہلے ہی خوفزدہ ہیں۔ مزید پڑھیے >>

20. 7 ستمبر 2021کابل میں دولتِ اسلامیہ کے ’ہمدرد‘ سمجھے جانے والے مذہبی رہنما کے قتل کے محرکات کیا ہیں؟