 افغانستان

پښتونخوا

نړۍ

ښځې

ساینس او ټکنالوژي

هنر او ادب

حقیقت موندنه

کور پاڼه

ژوندۍ ټلويزوني خپرونه

نړۍ دا وخت

ویډیو

وګورئ

ژوندۍ راډیويي خپرونه

رادیويي پروګرامونه

واورئ

ساينس او ټکنالوژي

د بریتانیا د عامې روغتیا چارواکو اعلان کړی دی چې له اپرېل میاشتې نه به د "اېچ ای وي" وېروس د خپرېدو مخنیوي لپاره ځانګړي درمل بازار ته وړاندې کوي. د پرېپ په نامه دا درمل که په ورځ کې یو ځل وخوړل شي نو د ناخوندي جنسي اړیکو پر وخت د اېچ ای وي وېروس د لېږدېدو مخه نیسي

بریتانیا د "اېچ ای وي" د مخنیوي درمل بازار ته وړاندې کوي

په دې وېدیو کې پوهان له خطر پرته په سمه توګه د ګرځنده ټیلېفون د پاکولو چل درښيي.

کورونا وېروس؛ خپل موبایل څنګه پاک کړو؟

ستورپوهانو یوه لرې سیاره مومندلې چې ممکن د وسپنې باران پکې ورېږي. دا سیاره تر خپل کوربه ستوري دومره نږدې څرخي چې د ورځې تودوخه یې تر ۲۴۰۰ سانتي ګراد لوړېږي او په بړاس د فلزاتو بدلولو لپاره پوره ګرمه وي.

داسې نوې سیاره چې د "وسپنې باران" پکې ورېږي

یوه کوچنۍ اله جوړه شوې چې په زړه کې ځای پرځای کېږي او له میلیونونو هغه کسانو سره به مرسته وکړي چې د زړه ناروغي لري. د V لاپ په نوم دغه کوچنۍ وسیله د انسان د رګونو له لارې تر زړه ځان رسوي. نور وېډیو کې کتلی شئ.

د زړه کمپیوټري اله

د امریکا د فضايي څېړنو اداره "ناسا" وايي، د سپوږمکیو پر مټ اخيستل شوي انځورونه ښيي چې د کورونا وېروس له امله په چین کې د هوا ککړتیا کچه ډېره راکمه شوې ده. ناسا ویلي، د دې ناروغۍ له امله اقتصادي فعالیتونه کم شوي او د هوا ککړتیا د کمېدو یو لا مل همدا دی.

د کورونا وېروس له امله د چین هوا پاکه شوې ده

د جنوبي امریکا په شمالي سیمو کې څېړونکو د کیشپ یو ډول پاتې شوني موندلي، چې د ګاډي په اندازه دي. باور کېږي چې دا "سټوپینډمي" کیشپ کابو د ۱۳ او ۷ میلیون ترمنځ کلونو پخوا زمانه کې دې سیمې ته راغلی. د سټوپینډمي نر کیشپ مخکنۍ برخه کې دوه ښکر وو.

د "ګاډي" په اندازه د کیشپ پاتې شوني موندل شوي

د افغانستان پلازمېنه کابل کې د یوه خوړنځي څښتن له چین یو روباټ راوړی، چې ظاهراً مشتریان پرې خوښ ساتي او هغوی ته خواړه وروړي. نور وېډیو کې لیدلی شئ.

افغانستان کې "لومړنی ګارسون روباټ"

د ایران دولتي تلوېزیون وايي، د دغه هېواد د "ظفر" سپوږمکۍ ماموریت له ماتې سره مخ شو. دا تلوېزیون زیاتوي، ظفر سپوږمکۍ په بریالیتوب وتوغول شوه، خو مدار ته ونه رسېده. اوس د ایران د اړیکو وزیر محمد جواد اذري وايي، ایران د ظفر ۲ سپوږمکۍ راتلونکی لمریز کال درېیمه میاشت کې توغوي.

د ایران سپوږمکۍ توغول له ماتې سره مخ شول

ساینسپوهان وايي، د بدن دفاعي سیستم کې یوه نوې کشف شوې برخه د هر ډول سرطانونو درملنه کولی شي. د برتانیا 'کارډیف' پوهنتون څېړنډلې داسې یوه لاره موندلې چې د پروستات، د تیو او د سږو سرطانونه درمللی شي.

د بدن دفاعي سیستم کې نوی کشف؛ 'ښايي د هر ډول سرطان درملنه وي'

خوب د انسان د بدن لپاره تر ټولو مهم او ښه پياوړی کوونکی دی. بې خوبي یا کم خوبي د انسان پر کار او اړیکو منفي اغېز کولی شي. د خوب د ښوونځي بنسټګر او د خوب متخصص ډاکټر ګای مېدوز له ډېرو لوبغاړو سره یې د بې خوبۍ په مبارزه کې مرسته کړې.

څنګه پر بې خوبۍ او ذهني ناکرارۍ برلاسي شو

د ګوګل نقشه، ثابت نړیوال وخت او د ونډو نړیوال بازار ټول د فضايي سټلایټونو یا سپوږمکیو پر فعالیتونو ولاړ دي. خو په فضا کې د خځلو ډېرېدونکې کچه چې فضا یې ککړه کړې، دغه ټول خدمتونه په خطر کي اچولي. اوس یو جاپانی شرکت هڅه کوي چې فضا کې دا خځلې پاکې کړي

جاپانی شرکت فضا کې د خځلو پاکولو هڅه کوي

افغانستان

د افغانستان لوړو زدکړو وزارت وایي، د تحصیلي نصاب د بیا کتنې او نوي کولو لړۍ د راتلونکي ۱۳۹۹ کال تر ختمېدو پایته رسېږي. دغه وزارت وایي، دا کار په تېرو څلورو لسیزو کې بې مخینې دی او د افغانستان تحصیلي نصاب کې به لوی بدلون رامنځته کړي.

لسیزې وروسته د افغانستان تحصیلي نصاب نوی کېږي

هند د چندریان دوه سپوږمیز ماموریت له ناکامېدو څو میاشتې وروسته د چندریان درې سپوږمیز ماموریت خبره کوي چې له مخې یې سپوږمۍ ته خپله ستوربېړۍ استول غواړي. د هند د تشیالي یا خلايي ادارې مشر سیون د دې نوي ماموریت په هکله وايي، د چندریان درې ټولې چارې له پلان سره سمې پرمخ ځي.

هند له ناکامې تجربې وروسته بیا سپوږمۍ ته ستوربېړۍ لېږي

ستورپېژاندو خبرداری ورکړی چې فضا ته نورې مصنوعي سپوږمکۍ د دوی د فضا او کایناتو د لید توان ګواښي. سر له راتلونکې اونۍ فضا ته زرګونه نوې مصنوعي سپوږمکۍ استول کېږي، چې ډېرو چټکو انټرنېټي خدمتونو ته به لار هواره کړي.

ستورپېژاندي: شپه کې د اسمان لیدل له ګواښ سره مخامخ دي

د روسیې حکومت اعلان کړی دی چې د رنېټ په نامه د نړیوال انټرنټ د یوې بدیلې تکنالوژۍ بریالۍ ازموینه یې کړې ده. تر اوسه د دې ازموینې او نوې تکنالوژۍ په اړه ډېر جزیات نه دي په ډاګه شوي، خو د روسیې د مخابراتو وزارت وایي، عام خلک هېڅ پوه نشول چې د انټرنټ وسیله یې بدله شوې

روسیه: د نړیوال انټرنټ بدیله تکنالوژي مو جوړه کړې

د چین ولسمشر د خپل هېواد لومړنۍ الوتک وړونکې بېړۍ د عملي چارو مراسمو کې ګډون وکړ. چین دا بېړۍ د خپل پوځ د نوي کولو هڅه کې لوی بدلون بولي. شاندونګ الوتک وړونکې تېره میاشت له ټایوان تنګي په داسې مهال تېره شوه، چې د امریکا او جاپان اړوند سمندري بېړیو څارله.

چین اول ځل الوتک وړونکې بېړۍ جوړه کړه

ورځ کې څو ځلې تشې یا متیازې کول نارمل دي، په دې پوهېدل ګران دي، ځکه دا په دې پورې تړلي چې ته څومره اوبه او نور څښونې څښې، کوم ډول څښونې څښې او بل څومره خولې کېږې. ډاکټر مدورګا وايي، کله چې پښتورګو ته پیغام ورسېږي چې بې اړتیا مایع لرې کړي، نو موږ ټایلېټ یا ټټۍ ته منډه کړو.

یخنۍ کې ولې ډېرې متیازې کوو؟

د امریکا د یوه ځایي توتي پر نسل د یوې جنیتیک څېړنې پایلو جوته کړې ده چې د دې توتي نسل د انسانانو له لاسه له منځه تللی. ساینس پوهانو د کارولاینا پراکیټ په نامه د دې نسل د یوه مړه شوي توتي پر پاتې شونیو څېړنې کړې دي. د دې نسل وروستی توتي ۱۹۱۸ کال کې ومړ

هغه توتي چې نسل یې د انسانانو له لاسه ختم شو

کله چې په ۲۰۱۲ کال کې کارلي د کلارک د سرطان ناروغي تشخیص شوه، هغې وپتیېله چې د خپل ژوند وروستنۍ ماشتې انځور کړي. اوه کاله وروسته د یوه ظالم تصادف له مخې هغه اوس د خپل ورور د بستر څنګ ته ولاړه او د هغه د سرطاني کړېدا انځورونه اخلي.

زه، زما ورور، زما کامره او زموږ سرطان

اېپل کمپنۍ روانه اونۍ د ۶۵ زره ډالرو په بیه خپل ځواکمن کمپیوټر پلور ته وړاندې کړ. کمپنۍ وايي، دا کمپیوټر د دودیزو کارنو لپاره نه دی، بلکې د ګرافیک ډیزاین، ویډیو ایډېټ یا سافټ ویر انجینري څانګو کې د مخکښو کارنو یا کمپیوټر کارو لپاره دی.

د ۶۵ زره ډالرو کمپیوټر کوم ځانګړی کمال لري؟

د قطبي علومو د متخصصانو نړیواله ډله وايي، د ۲۶ کلونو سپوږمکۍ مشاهدو له ارزولو دې پایلې ته رسېدلي چې ګرینلنډ کې د یخ ویلې کېدل چټک یا د ۱۹۹۰ کلونو اوه ځله ډېر شوي. دوی وايي، د دې یخ ویلې کېدل سمندرګیو کې د اوبو کچې ډېرېدلو سبب کېږي او اوس دا داسې مسله ده چې پخوا ورته بده ګڼل کېده.

د ګرېنلنډ د یخ ویلې کېدلو چټکتیا میلیونونه کسان ګواښي

ساینس پوهانو په یوه تازه خبرداري کې ویلي، د اقلیمي بدلون او ککړې هوا له کبله د نړۍ په سمندرونو کې اکسیجن په ختمېدو دی، او د کبانو ځینې ډولونه له جدي ګواښ سره مخ دي. کارپوهان زیاتوي چې په سمندرونو کې د نورمال ژوند یا حالت بدلېدل پر ځمکه ژوند هم ګډوډولی شي

"په سمندرونو کې اکسیجن په ختمېدو دی"

د پاکستان د لومړي وزیر عمران خان د ډیجیټل پاکستان پروژې مشري ګوګل کې یوه لوړپوړې چارواکي تانیه ایدروس کوي. عمران خان وايي، "تانیه ګوګل کې کار کاوه، خو سخته پرېکړه یې وکړه او هغه دنده یې پرېښوده".

د ډیجیټل پاکستان مشره څوک ده؟

لاورن سایمنز د بلجیم دی. په څلور کنلۍ کې لومړنی ښوونځی پیل کړ. همځولي یې لا لېسې ته نه دي رسېدلي، خو لاورن به ډېر ژر د ۹ کالو په عمر له پوهنتونه فارغ شي. پوښتنه دا ده چې دی څرنګه په دومره کم عمر کې دومره ډېرې وړتیاوې لري. دې رپوټ کې د هغه ژوند او لاسته راوړنو ته کتنه شوې