ኢትዮጵያ

ፖለቲካ

ሴቶች

ጤና

ስፖርት

ጥበብ

ቴክኖሎጂ

ምጣኔ ሃብት

ዜና

ቪዲዮ

ይመልከቱ

Radio

ያድምጡ

የአሜሪካ መንግሥት በትግራይ ክልል ያለውን ግጭት በተመለከተ የሚከተለውን ፖሊሲ በመቃወም ከ10 ሺህ በላይ ሰዎች የተሳተፉበት ሰልፍ አዲስ አበባ ውስጥ ተካሄደ። የአሜሪካው ፕሬዝዳንት ባለፈው ሳምንት በሰሜን ኢትዮጵያ ትግራይ ክልል ውስጥ የሚካሄደው ግጭት እንዲቆም የተኩስ አቁም እንዲደረግ ጥሪ አቅርበው ነበር።

በአስር ሺዎች የተሳተፉበት የአሜሪካንን እርምጃ የተቃወመ ሰልፍ ተካሄደ

ሰሞኑን በሐውዜን ወረዳና በተለይ ደግሞ በገርዓልታ ተራሮች ዙርያ ውግያ መካሄዱን ነዋሪዎች ለቢቢሲ ተናግረዋል። ከሚያዝያ 25 2013 ጀምሮ በሶስት ግንባሮች ውጊያ መካሄዱን እነዚህ ነዋሪዎች ጨምረው ተናግረዋል።

በገርዓልታ ተራሮችና ሐውዜን ከተማ ዙርያ የሆነው ምንድን ነው?

ኢትዮ ቴሌኮም በአሁኑ ወቅት 53 ሚሊዮን ደንበኞች ያሉት ሲሆን ከዚህ ውስጥ ደግሞ 25 ሚሊዮኑ የኢንተርኔት ተጠቃሚ ናቸው። 23 ሚሊዮን ደንበኞች ደግሞ ስማርት ስልክ አላቸው። እናም ኢትዮ ቴሌኮም በአምስት ዓመታት ውስጥ ከ40 እስከ 50 የሚሆነውን የኢትዮጵያ የገንዘብ ዝውውር በቴሌ ብር በኩል እንዲሆን አቅዷል።

ተንቀሳቃሽ ስልክን አነስተኛ ባንክ የሚያደርገው ‘ቴሌ ብር’

የአሜሪካው የውጭ ጉዳይ ሚኒስትር አንቶኒ ብኒንከን ትናንት ሰኞ ከኢትዮጵያው ጠቅላይ ሚኒስትር ዐቢይ አህመድ ጋር መነጋገራቸው ተገለጸ። ቃል አቀባያቸው ኔድ ፕራይስ ውይይቱን በተመለከተ ባወጡት አጭር መግለጫ ላይ እንዳመለከቱት የውጭ ጉዳይ ኃላፊው በኢትዮጵያ ውስጥ እየተባባሰ ያለው የሰብአዊ ጉዳዮችና የሰብአዊ መብቶች ሁኔታ አሜሪካንን እንደሚያሳስባት ለጠቅላይ ሚኒስትሩ ገልጸዋል ብለዋል።

አንቶኒ ብሊንከን በኢትዮጵያ ያለው ሁኔታ አሜሪካን እንደሚያሳስባት ለጠ/ሚ ዐቢይ ገለጹ

በአማራ ክልል ሰሜን ሸዋ ዞን በተፈፀመ ጥቃት ቁጥራቸው በውል ያልታወቀ በርካታ ሰላማዊ ሰዎች መገደላቸውን የዞኑ የጸጥታ ኃላፊ አቶ አበራ መኮንን ለቢቢሲ ገለጹ። የታጠቀው ኃይል "ቤቶችን ያቃጥላል፤ ሰዎችን ይገድላል" በማለትም ወደ አካባቢው የገባው የፌደራል የጸጥታ መዋቅርና የመከላከያ ሰራዊትም "ከአቅሙ በላይ" መሆኑን ለቢቢሲ አስረድተዋል።

በሰሜን ሸዋ በተፈፀመ ጥቃት የጸጥታ ኃይሎችን ጨምሮ የበርካታ ሰዎች ሕይወት መጥፋቱ ተገለጸ

ጠቅላይ ሚኒስትር ዐብይ አህመድ የዛሬ ሦስት ዓመታት ወደ ሥልጣን ሲመጡ ኢትዮጵያ በከፍተኛ የለውጥ ስሜት ውስጥ ነበረች። ጠቅላይ ሚኒስትሩም በወቅቱ ባደረጉት ንግግር እና በወሰዷቸው እርምጃዎች በአገርም ውስጥ ሆነ በውጭ ባሉ ኢትዮጵያን በቅርበት ለሚከታተሉ ተስፋን ያጫረ ነበር። ነገር ግን የንፁሃን ግድያ፣ የኑሮ ውድነት፣ የተፎካካሪ ፖለቲካ ፓርቲ አመራሮች እና አባላት መታሰር ደግሞ ስጋትን ፈጥሯል።

የጠቅላይ ሚኒስትሩ የሦስት ዓመታት ጉዞ፡ ከኖቤል ሽልማት እስከ ትግራይ ግጭት

ጠቅላይ ሚኒስትር ዐቢይ አህመድ ሐሙስ ከሰዓት በኋላ ተጉዘው አርብ ረፋድ ላይ ባጠናቀቁት ይፋዊ የሥራ ጉብኝታቸው ላይ ከፕሬዝዳንት ኢሳያስ አፈወርቂ ጋር ባደረጉት ውይይት የኤርትራ ሠራዊት ከትግራይ እንዲወጣ ከስምምነት ላይ መደረሱን ጽህፈት ቤታቸው ባወጣው መግለጫ አስታውቋል። ይህንንም ተከትሎ የኢትዮጵያ መከላከያ ሠራዊት የድንበር አካባቢዎቹን ተረክቦ ጥበቃውን ወዲያውኑ እንደሚጀምር ሁለቱ መሪዎች ከስምምነት ደርሰዋል።

ኤርትራ ሠራዊቷን ከኢትዮጵያ ግዛት ለማስወጣት ተስማማች

ጠቅላይ ሚኒስትር ዐቢይ አህመድ ኢትዮጵያ በግዛቷ ውስጥ ሕግ ለማስከበር ከምትወስደው እርምጃ አንጻር የአፍሪካ አገራት ከጎኗ እንዲቆሙ ጥሪ አቀረቡ። ጠቅላይ ሚኒስትሩ ይህንን ይህንን ያሉት በኢትዮጵያ ሰሜናዊ ክፍል በሚገኘው የትግራይ ክልል ያለውን ሁኔታ በተመለከተ ለአፍሪካ ሕብረት የሠላምና የደኅንነት ምክር ቤት ማብራሪያ በሰጡበት ንግግር ላይ ነው።

ጠቅላይ ሚኒስትር ዐቢይ አፍሪካውያን ከኢትዮጵያ ጎን እንዲቆሙ ጠየቁ

ከትግራይ ክልል በስተቀር በመላው ኢትዮጵያ ግንቦት 28 እና ሰኔ 5 2013 ዓ.ም ለሚካሄደው ብሔራዊ ምርጫ፣ በትናንትናው ዕለት፣ ሰኞ፣ በይፋ የተመራጮች ምዝገባ እና የምረጡኝ ቅስቀሳ ተጀምሯል። ይህ ምርጫ በቅድሚያ በ2012 ዓ.ም ነሐሴ ወር ላይ ሊካሄድ ታቅዶ የነበረ ቢሆንም በኮሮና ተህዋሲ ወረርሽኝ ምክንያት ወደ 2013 ዓ.ም ሰኔ ወር ተሸጋግሯል። በርግጥ ይህንን ስድስተኛውን አገራዊ ምርጫ ከዚህ ቀደም ከነበሩት ምርጫዎች በተለየ ምን ተጠባቂ ያደርገዋል?

ስድስተኛውን አገራዊ ምርጫ ተጠባቂ የሚያደርጉ አምስት ነጥቦች

ለሁለት ዐመታት ያህል የሻከረው የፌደራል መንግሥት እና ሕወሓት ግንኙነት መፈራቀቁ ሰፍቶ በመጨረሻም ወደ ግጭት አምርተዋል። የኢትዮጵያን ሁኔታ በቅርበት የሚከታተሉ ምሑራን ይህ ግጭት እንደሚከሰት ደጋግመው ሲያስጠነቅቁ ነበር። በስተመጨረሻም ለግጭቱ መነሻ የሆነው ጥቅምት 24 2013 ምሽት ህወሓት የሰሜን ዕዝ ላይ ጥቃት ፈፅሟል መባሉ ሲሆን ጠቅላይ ሚኒስትር ዐብይም "የሕግ ማስከበር ዘመቻ" ያሉትን ወታደራዊ እርምጃ የመከላከያ ኃይሉ እንዲወስድ ማዘዛቸውን ተናግረዋል።

ጥቅምት 24 በሰሜን ዕዝ ላይ ደረሰ የተባለው ጥቃት ምን ነበር?

ጠቅላይ ሚኒስትር ዐቢይ አሕመድ ባለፉት ቀናት ከጀርመንና ፈረንሳይ መሪዎች እንዲሁም ከአሜሪካ ውጭ ጉዳይ ሚኒስትር ጋር መመካከራቸውን አስታውቀዋል። በሌለ በኩል የአሜሪካ ውጭ ጉዳይ ሚኒስትር የኤርትራ መንግሥት ወታደሮቹን ከትግራይ ክልል እንዲያስወጣ ጠይቋል።

ምዕራባዊያኑ ከጠቅላይ ሚኒስትር ዐቢይ ጋር ምን መከሩ?

ለጠ/ሚ ዐቢይ ድጋፍ ለመግለጽ በበርካታ የኦሮሚያ ከተሞች ሰልፎች ተካሄዱ

ጠ/ሚ ዐብይ ለተደረገላቸው የድጋፍ ሰልፍ አመሰገኑ

የቀዳማይት እመቤት ዝናሽ ታያቸው ጽህፈት ቤት በመላው አገሪቱ በ300 ሚሊዮን ብር 18 ትምህርት ቤቶችን ሰርቶ መጨረሱን የጽህፈት ቤቱ ዳይሬክተር የሆኑት አቶ ሙሉቀን ፋንታ ለቢቢሲ ተናገሩ። ከእነዚህ ግንባታቸው ከተጠናቀቁ ትምህርት ቤቶች መካከል 13 ትምህርት ቤቶች ተመርቀው ለአካባቢዎቹ አስተዳዳሪዎች የተሰጡ ሲሆን በቅርቡ ደግሞ ጽህፈት ቤቱ አምስት ትምህርት ቤቶችን እንደሚያስመርቅ ኃላፊው ተናግረዋል።

ቀዳማይት እመቤት ዝናሽ ያስገነቧቸው 18 ትምህርት ቤቶች

የብሔራዊ መረጃና ደህንነት አገልግሎት ሐሰተኛ መረጃዎችን በማሰራጨት ህብረተሰቡን ለማደናገር የሚሞክሩ የማህበራዊ ሚድያ አንቂዎች ከሕገ-ወጥ ድርጊታቸው እንዲታቀቡ አሳሰቧል። ይህ የአጄንሲው መግለጫ የወጣው የጠቅላይ ሚንስትር ዐብይ አሕመድ ደህንነትን በማስመልከት በማህበራዊ ሚዲያዎች የሚሰራጩ ያልተረጋገጡ መረጃዎችን ተከትሎ ነው።

የመረጃና ደህንነት አገልግሎት ሐሰተኛ መረጃዎችን ለሚያሰራጩ ማስጠንቀቂያ ሰጠ

የኢትዮጵያ ፌደራል ሠራዊት በሁለት ሳምንት ውስጥ እንደሚደመስሰው የተናገረው በኦሮሚያ ክልል ያለው የአማጺ ቡድን እንቅስቃሴ በትግራይ ውስጥ ቀውስ በተከሰተበት ባለፉት ወራት ውስጥ ተባብሷል። መረጋጋት በራቃቸው የኦሮሚያ ምዕራባዊና ደቡባዊ ክፍሎች ውስጥ መንግሥት ኦነግ-ሸኔ ብሎ ከሚጠራቸው የኦሮሞ ነጻነት ሠራዊት ጋር ኃይሎች ጋር ፍልሚያ ላይ ነው።

ሠላማዊ ነዋሪዎች ሰለባ እየሆኑበት ያለው የኦሮሚያ ክልል ግጭት

በኢትዮጵያና በሱዳን ድንበር ለዘመናት በቆየው ውዝግብ ምክንያት በሁለቱ አገራት ሠራዊቶች መካከል የሚደረግ ግልጽ ወታደራዊ ግጭት ከዚህ በፊት እምብዛም አጋጥሞ ባያውቅም በቅርቡ በድንበር አካባቢ የታየው ሁኔታ ግን ነገሮች እየተቀየሩ መሆናቸውን ያመለክታል።

ለዘመናት የዘለቀው የኢትዮጵያና ሱዳን የድንበር አለመግባባት

የአርቲስት ሃጫሉ ሁንዴሳ ግድያን ተከትሎ በኦሮሚያ ክልል የተለያዩ ቦታዎች የተፈጸሙ ጥቃቶች በሰብአዊነት ላይ የተፈጸመ ወንጀሎች ናቸው ሲል የኢትዮጵያ ሰብአዊ መብቶች ኮሚሽን (ኢሰመኮ) ዛሬ ባወጣው ሪፖርት አመለከተ።

"መንግሥት ያለ አይመስልም ነበር"፡ በሰብአዊነት ላይ ወንጀሎች ተፈጽመዋል-ኢሰመኮ

በቤንሻንጉል ጉሙዝ ክልል መተከል ዞን ቡለን ወረዳ በኩጂ ቀበሌ ዛሬ [ረቡዕ ታህሳስ 14/2013] ንጋት ላይ በተፈፀመ ጥቃት ከ90 በላይ ንፁሃን ሰዎች መገደላቸውን ነዋሪዎች ለቢቢሲ ገለፁ። የክልሉ ኮምዩኒኬሽን ኃላፊ አቶ መለሰ በየነ ግን ጥቃቱ መፈፀሙን አረጋግጠው የሟቾች ቁጥር እስካሁን ድረስ ባይታወቅም "በጣም ከፍተኛ መሆኑን" ለቢቢሲ አረጋግጠዋል።

በመተከል ዞን በተፈፀመ ጥቃት በርካታ ሰዎች መገደላቸው ተገለፀ

ሲፒጄ 2013 በዓለም አቀፍ ደረጃ በርካታ ጋዜጠኞች የታሰሩበት ዓመት ነው አለ። ኢትዮጵያና ቤላሩስ የጋዜጠኞች እስር በከፍተኛ ሁኔታ እያሻቀበ የመጣባቸው አገራት መሆናቸውን ሲፒጄ በሪፖርቱ ገልጿል።

ኢትዮጵያና ቤላሩስ የጋዜጠኞች እስር በከፍተኛ ሁኔታ የጨመረባቸው አገራት ናቸው-ሲፒጄ

አንድ ለደህንነቱ ሲባል ስሙ እንዳይጠቀስ የጠየቀ የመቀለ ከተማ ነዋሪ "ከአንድ ወር በላይ የስልክና የመብራት አገልግሎት መቋረጡ ኑሯችንን አክብዶታል። በቀላሉ ከሰዎች ጋር ለመገናኘት ሆነ ሥራ ለመሥራት የማንችልበት ጨለማ ውስጥ ነው የነበርነው" ብሏል።

ከ40 ቀናት በኋላ በመቀለ የስልክና የመብራት አገልግሎት መጀመሩ የፈጠረው ስሜት

በሠሜን ዕዝ ላይ ጥቃት ከመፈጸሙ በፊት የዕዙ አዛዥ ሳይመረዙ እንዳልቀረ ጠቅላይ ሚኒስትር ዐብይ አህመድ ለሕዝብ ተወካዮች ምክር ቤት ተናገሩ። ጠቅላይ ሚኒስትሩ ይህንን ያሉት አምስተኛው የሕዝብ ተወካዮች ምክር ቤት 6ኛ ዓመት የሥራ ዘመን 2ኛ ልዩ ስብሰባውን ባካሄደበት ወቅት ከምክር ቤቱ አባላት ስለወቅታዊ ጉዳዮች ለቀረቡላቸው ጥያቄዎች በሰጡት ምላሽ ላይ ነው።

የቀድሞው የሠሜን ዕዝ አዛዥ ሳይመረዙ እንዳልቀሩ ጠቅላይ ሚኒስትሩ ተናገሩ

የኢትዮጵያ መንግሥት ሠራዊት የትግራይ ክልል ዋና ከተማን መቀለ መቆጣጠሩ ከተገለጸ በኋላ ሲያካሂድ የነበረው ዘመቻ መጠናቀቁን ጠቅላይ ሚኒስትር ዐብይ አህመድ አስታወቁ። ጠቅላይ ሚኒስትሩ ባለፈው ሐሙስ ሠራዊቱ የመጨረሻው ምዕራፍ ያሉትን "ሕግ የማስከበር ዘመቻ" እንዲያካሂድ ካዘዙ በኋላ ቅዳሜ ኅዳር 19/2013 ዓ.ም የክልሉን ዋና ከተማ የፌደራል ሠራዊቱ ሙሉ ለሙሉ መቆጣጠሩ ተገልጿል።

"በትግራይ ክልል የተካሄደው ሕግን የማስከበር ዘመቻ ተጠናቋል" ጠቅላይ ሚኒስትር ዐብይ

ጠቅላይ ሚንሰትር ዐብይ አህመድ በአፍሪካ ኅብረት የወቅቱ ሊቀንበር የተላኩትን ልዩ ልዑክ ጋር መወያየታቸውን የጠቅላይ ሚንሰትሩ ጽህፈት ቤት አስታወቀ። ጠቅላይ ሚንሰትር ዐብይ የልዑኩ አባልት ከሆኑት ከቀድሞው የሞዛምቢክ ፕሬዝዳንት ዮአኪም ቺሳኖ፣ የቀድሞዋ የላይቤሪያ ፕሬዝዳንት ኤለን ሰርሊፍ ጆንሰንና የደቡብ አፍሪካ የቀድሞ ፕሬዝደንት የነበሩትን ጋሌማ ሞትላንቴ ዛሬ ጠዋት መወያየታቸው ተጠቁሟል።

ጠቅላይ ሚንስትር ዐብይ ከአፍሪካ ኅብረት ልዑካን ጋር ተወያዩ

ትግራይ ፡ የአፍሪካ ኅብረት ልዩ መልዕክተኞች አዲስ አበባ ገቡ