शरद पवार आणि राहुल गांधी यांची दिल्लीत भेट

लाईव्ह कव्हरेज

1. 24 मार्च 2025औरंगजेब कबरीच्या मुद्द्यावर एकनाथ शिंदे म्हणाले...

   • आमचं एवढंच म्हणणं आहे की, जो औरंगजेब महाराष्ट्राचा घास घ्यायला आला, ज्याने अत्याचार-अन्याय केला. ज्याने छत्रपती संभाजी महाराजांवर अनन्वित अत्याचार केला, त्याचं उदात्तीकरण करू नये.
   • उदात्तीकरण होता कामा नये, ही भूमिका सगळ्या शिवभक्ताची आणि महाराष्ट्रातील प्रत्येकाची आहे.
   • सच्चे देशभक्त असलेले मुसलमान पण त्याचं उदात्तीकरण करणार नाहीत.

   • विरोधकांना जर सभागृहात चर्चाच करायची नसेल, तर काय बोलणार? चर्चा करायला आणि उत्तर द्यायला आम्ही तयार आहोत.
   • आमचं विरोधकांना आवाहन आहे की, तुमची संख्या कमी असली तरीही आम्ही तुम्हाला अंडरइस्टीमेट करत नाहीये. तुम्ही या, विकासावर बोलू.

2. 24 मार्च 2025पुन्हा मुख्यमंत्री व्हायची इच्छा आहे का, या प्रश्नावर ते म्हणाले...

   • बाळासाहेब ठाकरेंच्या विचारांशी तडजोड केली, तेव्हा आम्ही सत्ता सोडली. मी मंत्री होतो, माझ्यासोबत आठ मंत्री सोबत आले. त्यानंतर मी झालो मुख्यमंत्री. अडीच वर्षे काम केलं भरपूर.
   • आमचं भांडण खुर्चीसाठी नाहीये. आमचा संघर्ष हा सर्वसामान्य माणसाचे प्रश्न, त्याच्या समस्या सोडवणं यासाठी आहे.

   • मी ज्या रोलमध्ये त्या रोलमध्ये काम करतो आहे.
   • पुन्हा मुख्यमंत्री व्हायची इच्छा आहे का, या प्रश्नावर ते म्हणाले की, राजकारणात 'जर-तर'ला काही स्थान नसतं.
   • काम करणाऱ्याला पदाचा काहीही फरक पडत नाही.

3. 24 मार्च 2025सरकारच्या पहिल्या 100 दिवसांबाबत काय सांगाल?

   • आधीचं आमचं सरकार आणि आताच सरकार एकच आहे. मुख्यमंत्री बदलला असला तरीही आम्ही टीम म्हणूनच काम करतो.
   • समृद्धी महामार्ग, अटल सेतू, मेट्रो, कारशेडची कामं, अशी सगळी थांबलेली कामं आम्ही मार्गी लावली.
   • शेवटी, आपल्या उद्योजक केव्हा येतात? तुमच्याकडे पायाभूत सुविधा असल्या आणि सोयीसुविधा असल्या तरच उद्योजक येतात.
   • आम्ही दावोसला गेलो आणि अनेक गुंतवणुकीचे करार केले.

   • आम्ही आरोग्यावर फोकस केलं. शाळांवर फोकस केलं.
   • 'माता सुरक्षित तर कुटुंब सुरक्षित' ही योजना राबवत आहोत.
   • ग्रामीण भागातील आमच्या लाडक्या बहिणी आरोग्याकडं दुर्लक्ष करतात. त्यांच्यासाठी योजना आणल्या.
   • पर्यटनासाठीही आम्ही चालना दिली आहे. पोर्ट कनेक्टिव्हिटी करतो आहोत.
   • मी गावी जातो तेव्हा सगळ्यांच्या पोटात दुखतं. मी गावी गेलो तरी नाराज, दिल्लीला गेलो तरी नाराज, शांत बसलो तरी नाराज, काहीही केलं तरी नाराज... मी संवेदनशील माणूस आहे. मी गावी जातो, याचा अभिमान आहे. तिकडे गेलो की मी शेतीत जातो.
   • गावी गेल्यावर मला जरा मानसिक शांतता मिळते, म्हणून मी जातो.
   • काही लोकांना घरं सुटत नाहीत, तेच माझ्यावर असे आरोप करतात.
   • तिथल्या तरुणांना इतर शहरात नोकरीसाठी जायला लागू नये, हा माझा प्रयत्न आहे.

4. 24 मार्च 2025कुणाल कामरा प्रकरणावर उपमुख्यमंत्री एकनाथ शिंदे काय म्हणाले?

   • खरं म्हणजे आरोपांवर मी प्रतिक्रिया देतच नाही. अडीच वर्षे सातत्याने पहिल्या दिवसापासून सरकार स्थापन झाल्यापासून आरोपांच्या फैरी लोक झाडत होते. आरोपाला मी कामाने उत्तर देणार, असं मी नेहमी म्हणत असतो. आरोपाला आरोपाने उत्तर दिलं तर आपलाच फोकस हलतो.

   • महाविकास आघाडीने ज्या कामावर जे स्टे ऑर्डर दिले होते, ते सगळे उखडून फेकले.
   • बंद पडलेल्या सगळ्या योजना आम्ही सुरू केल्या आणि विकासाला महत्त्व दिलं. विकास आणि कल्याणकारी योजनांना प्राधान्य दिलं.
   • एकीकडे एवढे निर्णय आम्ही घेतले आणि त्याची अंमलबजावणी आम्ही केली. त्यामुळे, आरोपांकडे मी पाहिलंच नाही. कोण काय बोलतंय, त्याकडे बघितलंच नाही.

   • विधानसभा निवडणुकीत आरोप करणाऱ्यांना घरी बसवलं आणि महायुतीला ऐतिहासिक असा जनमताचा कौल दिला.
   • आम्ही 80 जागा लढवल्या आणि 60 जिंकल्या. समोरच्यांनी 100 जागा लढवलल्या आणि 20 जिंकल्या. आरोपांना आम्ही कामाने उत्तर दिलं म्हणून आम्हाला पुन्हा एकदा निवडून दिलं.
   • आम्ही पक्ष चोरला, धनुष्यबाण चोरला वगैरे आरोप करुनही जनतेनं जर आम्हाला मँडेट दिला असेल, तर तुम्ही गद्दार कोण आणि खुद्दार कोण हे समजून जा.

   • अभिव्यक्ती स्वातंत्र्य वगैरे ठीक आहे पण त्याचा गैरफायदा घेऊन बोलणार असाल तर हा एकप्रकारचा व्यभिचार, स्वैराचार आणि एकप्रकारे सुपारी घेऊन बोलण्याचं काम आहे.
   • याच माणसाने सरन्यायाधीशांबद्दल, पंतप्रधानांबद्दल, निर्मला सीतारमण यांच्याबद्दल, उद्योगपतींबद्दल काय बोलला आहे ते पाहा.
   • हे काय अभिव्यक्ती स्वातंत्र्य नाहीये. कुणाची तरी सुपारी घेऊन बोलण्यासारखं आहे.
   • मी यावर दिवसभर बोललो नाहीये आणि बोलणारच नाहीये.
   • तोडफोडीचं समर्थन मी कधीच करत नाही. मात्र, समोरच्यानं आरोप करताना कुठल्या लेव्हलला आरोप करायचं ते तरी पाहिलं पाहिजे.
   • माझी सहन करण्याची ताकद खूप आहे. पण यांची आहे का? मी कधीही कुणावरही रिऍक्ट होत नाही. कामावर फोकस करणं आणि लोकांना न्याय देणं, या माझ्या भूमिकेमुळे देदिप्यमान असं यश आम्हाला मिळालं आहे.

5. 24 मार्च 2025उपमुख्यमंत्री एकनाथ शिंदे थोड्याच वेळात 'बीबीसी मराठी'च्या मंचावर...

6. 24 मार्च 2025लाडकी बहीण योजनेची रक्कम कधी वाढणार? बीबीसी मराठीच्या कार्यक्रमात आदिती तटकरे काय म्हणाल्या?

7. 24 मार्च 2025राष्ट्रीय स्वयंसेवक संघ औरंगजेबापेक्षा दारा शिकोहला अधिक प्राधान्य का देत आहे?

8. 24 मार्च 2025सभागृहातल्या कामकाजाबाबत संसदीय कार्य मंत्री चंद्रकांत पाटील म्हणतात..

9. 24 मार्च 2025एआय आणि महाराष्ट्रातील विद्यार्थ्यांबाबत चंद्रकांत पाटील म्हणतात

10. 24 मार्च 2025राज्यातील तरुणांना मिळणाऱ्या शिक्षणाच्या दर्जाचं काय?

    राज्यातील तरुणांनी त्यांना मिळणाऱ्या शिक्षण आणि पदव्यांचा दर्जाबाबत केलेल्या तक्रारींचा बीबीसी मराठीने केलेला रिपोर्ट बघून चंद्रकांत पाटील म्हणाले,

    • या व्हीडिओमध्ये दिसणारे सगळे विद्यार्थ्यांचे नेते वाटत आहेत कारण त्यांच्याकडे डेटा कमी आहे.
    • मी विद्यार्थी परिषदेत असताना महागाई निर्देशांकानुसार शिष्यवृत्ती देण्याची मागणी केली होती. आम्ही त्यादृष्टीने प्रयत्न करत आहोत.
    • या व्हीडिओमध्ये मांडलेले मुद्दे थोडे जुने वाटत आहेत. नोकरी, पगार याबाबत माझं म्हणणं असं आहे की, एका बाजूने बेरोजगारी आहे पण समाजात जी गरज आहे ते शिक्षण घेण्याची आमची तयारी नाहीये.

11. 24 मार्च 2025उच्च आणि तंत्रशिक्षण मंत्री म्हणून तुमच्या तीन प्रमुख प्राथमिकता काय आहेत?

    या प्रश्नाचं उत्तर देताना उच्च आणि तंत्रशिक्षण मंत्री चंद्रकांत पाटील म्हणाले,

    • 2022 ला सरकार आलं तेव्हा नवीन शैक्षणिक धोरणाचा 'न' देखील लिहिला नव्हता.
    • नवीन शैक्षणिक धोरणानुसार व्यवसायाभिमुख शिक्षण, मराठीतून शिक्षण आणि शिक्षणामधून समाज जागरूक करता आला पाहिजे या आमच्या प्राथमिकता असणार आहेत.
    • नवीन शैक्षणिक धोरणाच्या अंमलबजावणीत महाराष्ट्र पहिल्या क्रमांकावर आहोत.

12. 24 मार्च 2025थोड्याच वेळात चंद्रकांत पाटील बीबीसी मराठीच्या मंचावर

    बीबीसी न्यूज मराठीच्या सर्व सोशल प्लॅटफॉर्म, तसंच वेबसाईटवर हा कार्यक्रम लाईव्ह पाहता येईल आणि अपडेट्स वाचता येतील.

13. 24 मार्च 2025थोड्याच वेळात आदिती तटकरे 'बीबीसी मराठी'च्या मंचावर

    बीबीसी न्यूज मराठीच्या सर्व सोशल प्लॅटफॉर्म, तसंच वेबसाईटवर हा कार्यक्रम लाईव्ह पाहता येईल आणि अपडेट्स वाचता येतील.

14. 24 मार्च 2025'देवेंद्र फडणवीसांमधील संवेदनशीलता जागवण्यासाठी आम्ही नेमकं काय करावं'? आदित्य ठाकरे यांचा सवाल

15. 24 मार्च 2025'राष्ट्र-महाराष्ट्र' LIVE : उपमुख्यमंत्री एकनाथ शिंदे बीबीसी मराठीच्या मंचावर

16. 24 मार्च 2025नमस्कार

    महाराष्ट्रातील महायुती सरकारला 100 दिवस पूर्ण होत असल्याच्या निमित्ताने BBC न्यूज मराठी 'राष्ट्र महाराष्ट्र' हा विशेष कार्यक्रम आयोजित करत आहे.

    या कार्यक्रमात मंत्री आणि नेते निवडणुकीत दिलेल्या आश्वासनांची पूर्तता, तसेच आगामी योजनांबाबत चर्चा करणार आहेत.

    शिवाय, विरोधी पक्षातील नेतेही विद्यमान सरकारच्या कामकाजाबाबत आपलं म्हणणं मांडणार आहेत.

    हा कार्यक्रम दुपारी 12 ते रात्री 9.30 या वेळेत मुंबई येथील यशवंतराव चव्हाण सेंटर येथे होत आहे.

    'राष्ट्र महाराष्ट्र' कार्यक्रम तुम्हाला कुठे पाहता येईल :

    बीबीसी न्यूज मराठीच्या सर्व सोशल प्लॅटफॉर्म, तसंच वेबसाईटवर हा कार्यक्रम लाईव्ह पाहता येईल आणि अपडेट्स वाचता येतील.

    तुम्हाला इथे पाहता येईल कार्यक्रम :

    फेसबुकवर पाहण्यासाठी इथे क्लिक करा

    युट्यूबवर पाहण्यासाठी इथे क्लिक करा

    वेबसाईटवर पाहण्यासाठी आणि अपडेट वाचण्यासाठी इथे क्लिक करा.

    या कार्यक्रमाला उपस्थित राहिलेल्या श्रोत्यांना थेट प्रश्नही विचारण्याची संधी मिळणार आहे. शिवाय, सोशल प्लॅटफॉर्मवरूनही कमेंट्समधून प्रेक्षक, वाचकांना प्रश्न विचारता येतील.

17. 24 मार्च 2025BBC मराठीचा 'राष्ट्र महाराष्ट्र' कार्यक्रम, महायुती सरकारच्या 100 दिवसांचा लेखाजोखा

18. 22 मार्च 2025आधार कार्ड-मतदान ओळखपत्र कसं लिंक होणार? बनावट मतदानाची शंका दूर होणार का?

19. 22 मार्च 2025सुषमा अंधारे : एकेकाळी शिक्षणासाठी घरातून पळालेली तरुणी ते शिवसेनेच्या 'फायरब्रँड' नेत्या

20. 20 मार्च 2025दीक्षाभूमी, ताजबागचा दर्गा आणि संघाचं मुख्यालय असणाऱ्या नागपुरात याआधी दंगल झाली होती का?