Жерге байланышкан талкуу

Кыргызстанда жер тилкелерин инвесторлорго 50 жылга чейин ижарага берүү демилгеси коомчулук арасында кызуу талкууланууда. Президент түшүндүрмө берип, чет элдиктерге жер сатылбай турганын айтты. Аткаруу бийлигинин өкүлдөрү муну айрым саясатчылардын элди козутуу аракети деп бааласа, саясатчылар бул маселе өтө кылдаттыкты талап кыларын белгилеп, пикирин айткандарды опузалоо, камоо оң натыйжа бербей турганын эскертишүүдө.