فٹبال ورلڈ کپ 2026 کے 104 میچوں کا شیڈول اور نتائج

دنیا میں سب سے مقبول کھیل فٹبال کا 11 جون 2026 سے شروع ہونے والا 23واں ورلڈ کپ اپنے اختتامی مرحلے کی جانب بڑھ رہا ہے۔

ابتدائی مرحلے کے بعد 48 میں سے 32 ٹیمیں ناک آؤٹ مرحلے میں پہنچیں اور ان میں سے نصف نے اگلے مرحلے یعنی راؤنڈ آف 16 میں جگہ بنائی۔

پھر بات کوارٹر فائنلز سے ہوتی ہوئی سیمی فائنلز یعنی آخری چار ٹیموں تک پہنچی اور دونوں سیمی فائنلز کی تکمیل کے بعد اب سنیچر کی شب فائنل میں دفاعی چیمپیئن ارجنٹینا اور یورپی چیمپیئن سپین مدِمقابل ہوں گی۔ یہ دونوں ہی ٹیمیں ماضی میں فٹبال ورلڈ کپ جیت چکی ہیں۔

اس ٹورنامنٹ میں کئی اپ سیٹس دیکھنے کو ملے اور برازیل جیسی ٹیم کوراٹر فائنلز سے پہلے ہی ٹورنامنٹ سے باہر ہو گئی جبکہ دفاعی چیمپیئن ارجنٹینا کا فائنل تک کا سفر بھی آسان نہیں رہا ہے۔

فیفا ورلڈ کپ کی تاریخ میں یہ پہلا موقع تھا جب تین ممالک امریکہ، میکسیکو اور کینیڈا نے مل کر ان مقابلوں کی میزبانی کی تاہم ان تینوں کا سفر اس ورلڈ کپ میں اپنے اختتام کو پہنچ چکا ہے۔

فٹبال ورلڈ کپ 2026 میں مجموعی طور پر 104 میچ کھیلے جا رہے ہیں جو امریکہ کے 11، میکسیکو کے تین اور کینیڈا کے دو شہروں میں منعقد ہوں گے۔

اس ٹورنامنٹ کے تمام میچوں کا شیڈول اور ٹورنامنٹ کے دوران تازہ ترین نتائج یہاں دیکھیں۔