An Nowodhow - the News in Cornish

Available for over a year

RECORDING 1: Ny yll an dus tyli gans mona orth lies park kerri dyghtys gans Konsel Kernow dhyworth an kynsa mis Est. An awtorita a grys y hallsa an gwayans ma sawya a-dro dhe beswar ugens mil peuns pub vledhen. Lewyoryon a yll pesya tyli rag parkyans orth jynnow pemont der usya karten arghantti, pemont heb kestav po klappkodh. Herwydh an konsel ogas ha deg kansrann ha peswar ugens a negysyow o gwrys gans pemonts karten, dres an app JustPark po an wiasva Buzzpay. Pemonts mona a wra pesya yn unn park kerri yn pub kemeneth. Y leveris Esel Kabinet Konsel Kernow rag Karyans, Dan Rogerson y hanow, kost pub vledhen rag kuntel, karya ha processya mona dhyworth an parkow kerri a recev pub eghen a pemont dhe vos a-dro dhe gans mil peuns. TRANSLATION: People will not be able to pay by cash at several Cornwall Council-run car parks from 1 August. The authority believe this move would save about £80,000 a year. Drivers will continue to be able to pay for parking at payment machines using a bank card, contactless payment or mobile phone.According to the council nearly 90% of transactions were made by card payments, through the JustPark app or the Buzzpay website. Cash payments will continue in one car park in each community. Dan Rogerson, Cornwall Council cabinet member for transport, said the cost per year to collect, transport and process cash from the car parks which accepted all payment options is about £100,000. RECORDING 2: An kevreyth robot nowydh oberys gans leuvvedhogyon orth Trest NHS Klavjiow Kernow Riel a veu usyes yn oberyans rag an kynsa tro an hwegves mis Gortheren. Y leveris penn leuvvedhegneth an Trest, James Clark y hanow, neb a led an dowlen leuvvedhegel robot gwias medhel, “Yth o marthys rag godhevysi may hyllyn ni profya gnas an gwella leuvvedhegneth robotek yn leel, yn le bos res dhedha viajya yn-mes a Gernow.” Ev a leveris y alowas leuvvedhogyon dhe oberi gans kewerder gwellhes yn ranndiryow byghan an korf o kales dhe dhrehedhes. Sleyneth an robot yw pell a-ugh an pyth leuv den a yll profya. TRANSLATION The new robotic system operated by surgeons at the Royal Cornwall Hospitals NHS Trust was first used in an operation on 6 July. James Clark, the trust's head of surgery who leads the soft tissue robotic surgical programme, said: "It was fantastic for patients that we are able to offer the quality of the best robotic surgery locally, rather than them having to travel out of Cornwall." He said it allowed surgeons to operate with enhanced precision in small areas of the body which were difficult to reach. The dexterity that the robot has is far above what a human hand can offer. RECORDING 3: An strethur, dewdhek meter hy ughelder, a sav lemmyn orth Bal Myghtern Edward (KEM) yn Trewoon, ogas dhe Gammbronn. Fydhyador, Peter Snodgrass y hanow, a leveris an myns a ober gwrys y’n ragdres gans bodhogyon “re bia marthys.” An pennfram a veu argevres dhyworth tyller bal ogas dhe Dhowrdu hag y asleas pennfram neb a godhas orth KEM yn mil naw kans peswardhek warn ugens. Yma pennfram a’y sav a-ugh dhe shafta bal rag drehevel moon pelys dhe donn. Y has ynwedh tus val dhe entra ha gasa hwelyow, ha dyghtya ayr fresk yn bal, ow korra dhe-ves gassys peryllus. Henn yw oll ahanav vy. Seythen da genowgh. TRANSLATION The 12m tall structure now stands at King Edward Mine (KEM) at Troon, near Camborne. Trustee Peter Snodgrass said the amount of work volunteers put into the project had "been fabulous". The head frame was donated from the site of a mine near Blackwater and it has replaced a headframe which collapsed at KEM in 1934. A headframe sits above a mine shaft to lift mined ore to the surface. It also allows miners to enter and exit workings, and directs fresh air into a mine, dispelling hazardous gases. That’s all from me, have a good week. Photo of St Martin's by BBC Weather Watcher uWhoAndyR.